സ്ഥിരംകുറ്റവാളിയെ കാപ്പചുമത്തി നാടുകടത്തി

കൊച്ചി: ഗുരുതര കുറ്റകൃത്യങ്ങളിൽ പ്രതിയായി മൂന്നുതവണ ജയിൽശിക്ഷ അനുഭവിച്ച സ്ഥിരംകുറ്റവാളിയെ കാപ്പചുമത്തി നാടുകടത്തി. കണ്ണമാലി കല്ലുവീട്ടിൽ അലിയെയാണ് (അലൻ) ഒരു കൊല്ലത്തേക്ക് കൊച്ചി സിറ്റി പൊലീസ് കമ്മീഷണർ പരിധിയിൽ പ്രവേശിക്കാൻ വിലക്കേർപ്പെടുത്തിയത്. ഈ കാലയളവിൽ കുറ്റകൃത്യങ്ങളിൽ ഏർപ്പെട്ടാലും അറസ്റ്റിലാകും. എറണാകുളം സെൻട്രൽ പൊലീസ് സ്റ്റേഷനിൽ മാത്രം ഏഴ് കേസുകളിൽ പ്രതിയാണ്. വീണ്ടും കുറ്റകൃത്യങ്ങളിൽ ഏർപ്പെട്ടതിനെ തുടർന്ന് സെൻട്രൽ ഇൻസ്പെക്ടർ അനീഷ് ജോയ് തയ്യാറാക്കിയ കാപ്പ റിപ്പോർട്ട് പ്രകാരമാണ് നാട് കടത്താൻ ഡി.

ഐ.ജി ഉത്തരവിറക്കിയത്.