ആനപ്പന്തി ബാങ്കിലെ മുക്കുപണ്ട തട്ടിപ്പ്: മുഖ്യപ്രതി മൈസൂരുവി​ൽ പിടിയിൽ

ഇ​രി​ട്ടി: ആ​ന​പ്പ​ന്തി സ​ർ​വീ​സ് സ​ഹ​ക​ര​ണ ബാ​ങ്കി​ന്റെ ക​ച്ചേ​രി​ക​ട​വ് ശാ​ഖ​യി​ലെ മു​ക്കു​പ​ണ്ട ത​ട്ടി​പ്പ് കേ​സി​ലെ മു​ഖ്യ​പ്ര​തി സി​.പി​.എം മുൻ ബ്രാ​ഞ്ച് സെ​ക്ര​ട്ട​റി സു​ധീ​ർ തോ​മ​സ് (52) ക​ർ​ണാ​ട​ക​യി​ൽ പി​ടി​യി​ലാ​യി. ബാ​ങ്കി​ൽ ത​ട്ടി​പ്പു ന​ട​ത്തി​യ​ശേ​ഷം ഇ​ക്ക​ഴി​ഞ്ഞ രണ്ടിനു രാ​വി​ലെ​യാ​ണ് പ്ര​തി താ​ക്കോ​ലും ബാ​ഗും മൊ​ബൈ​ലും ബാ​ങ്കി​നു മു​ന്നി​ൽ വ​ച്ച​ശേ​ഷം ഒ​ളി​വി​ൽ പോ​യ​ത്.

ബാ​ങ്കി​ലെ സ്‌​ട്രോം​ഗ് റൂ​മി​ൽ സൂ​ക്ഷി​ച്ച പ​ണ​യം വ​ച്ചി​രു​ന്ന 18 പാ​ക്ക​റ്റ് സ്വ​ർ​ണ്ണം മാ​റ്റി പ​ക​രം മു​ക്കു​പ​ണ്ടം വ​ച്ചാ​ണ് പ്ര​തി ത​ട്ടി​പ്പ് ന​ട​ത്തി​യ​ത്. ഇ​തി​ന്റെ സി​സി​ടി​വി ദൃ​ശ്യ​ങ്ങ​ൾ അ​ട​ക്കം ല​ഭി​ച്ചി​ട്ടു​ണ്ട്. ത​ട്ടി​പ്പി​ൽ ബാ​ങ്കി​ന് 60 ല​ക്ഷം രൂ​പ​യു​ടെ ന​ഷ്‌​ടം സം​ഭ​വി​ച്ചി​രി​ക്കു​ന്ന​താ​യാ​ണ് സെ​ക്ര​ട്ട​റി​യു​ടെ പ​രാ​തി.

ബാ​ങ്കി​ൽ പ​ണ​യം വ​ച്ചി​രു​ന്ന ഒ​രാ​ൾ സ്വ​ർ​ണ്ണം തി​രി​കെ എ​ടു​ക്കാ​ൻ എ​ത്തി​യ​തോ​ടെ​യാ​ണു ത​ട്ടി​പ്പ് പുറത്തുവന്നത്. പ്ര​തി ഇ​ട​പെ​ട്ട് തൂ​ക്കം നോ​ക്കു​ന്ന ത്രാ​സ് പ്ര​വ​ർ​ത്തി​ക്കു​ന്നി​ല്ലെ​ന്നു പ​റ​ഞ്ഞ് ആ​ദ്യ​ദി​വ​സം സ്വ​ർ​ണ്ണം തി​രി​കെ എ​ടു​ക്കാ​ൻ വ​ന്ന​യാ​ളെ മ​ട​ക്കി​യി​രു​ന്നു. പി​ന്നീ​ട് പ​ണ​യം വ​ച്ച അ​ത്ര​യും സ്വ​ർണ്ണം ഇ​രി​ട്ടി​യി​ലെ ഒ​രു വ്യാ​പാ​ര സ്ഥാ​പ​ന​ത്തി​ൽ നി​ന്നും വാ​ങ്ങി ബാ​ങ്കി​ൽ തി​രി​കെ വ​ച്ചു. ഇ​തി​ന്റെ​യും സി​സി​ടി​വി ദൃ​ശ്യ​ങ്ങ​ൾ പൊലീസിന് ലഭിച്ചു. പി​ടി​ക്ക​പ്പെ​ടു​മെ​ന്ന് ഉ​റ​പ്പാ​യ​തോ​ടെ​യാ​ണു മു​ഖ്യ​പ്ര​തി മു​ങ്ങി​യത്.

ഇരിട്ടി ഡിവൈ.എസ്.പി ധനഞ്ജയ ബാബുവിന്റെ നിർദ്ദേശപ്രകാരം ഇരിട്ടി സി.ഐ കുട്ടിക്കൃഷ്ണന്റെ നേതൃത്വത്തിലുള്ള പൊലീസ് സംഘമാണ് മൈസൂരുവിലെത്തി പ്രതിയെ കസ്റ്റഡിയിലെടുത്തത്. ​ ഇ​രി​ട്ടി സ്റ്റേ​ഷ​നി​ൽ എ​ത്തി​ച്ച പ്ര​തി​യെ ചോദ്യം ചെയ്തതിൽ ബാങ്കിൽ നടത്തിയ ക്രമക്കേടുകൾ പൊലീസിനോട് സമ്മതിച്ചു. അറസ്റ്റ് രേഖപ്പെടുത്തി കോടതിയിൽ ഹാജരാക്കി. അന്വേഷണ സംഘത്തിൽ ഇരിട്ടി സ്റ്റേഷൻ എസ്.ഐ രാജ് നവാസ്, സീനിയർ പൊലീസ് ഓഫീസർമാരായ അബ്ദുൾ നവാസ്, എ.എം. ഷിജോയ് ഡിവൈ.എസ്.പിയുടെ പ്രത്യേക അന്വേഷണ സംഘം എന്നിവർ ഉണ്ടായിരുന്നു.

ത​ട്ടി​പ്പി​ന് മു​ഖ്യ​പ്ര​തി​ക്ക് സ​ഹാ​യി​യാ​യി പ്ര​വ​ർ​ത്തി​ച്ച കൂ​ട്ടു​പ്ര​തി​യാ​യ പ്രാ​ദേ​ശി​ക കോ​ൺ​ഗ്ര​സ് നേ​താ​വ് സു​നീ​ഷ് തോ​മ​സി​നെ കോ​ട​തി നേരത്തെ റി​മാ​ൻ​ഡ് ചെ​യ്തി​രു​ന്നു.

ഹോ​ട്ട​ൽ ജീ​വ​ന​ക്കാ​ര​നാ​യി മൈസൂരുവിൽ

ക​ർ​ണാ​ട​ക​യി​ലെ മൈ​സൂ​രു​വി​ൽ ഹോ​ട്ട​ൽ ജീ​വ​ന​ക്കാ​ര​നാ​യി ക​യ​റി​യ പ്ര​തി​യെ​ക്കു​റി​ച്ച് പൊ​ലീ​സി​നു ല​ഭി​ച്ച ര​ഹ​സ്യ വി​വ​ര​മാ​ണ് ചു​രു​ങ്ങി​യ ദി​വ​സ​ത്തി​നു​ള്ളി​ൽ ഇ​യാ​ളെ ക​ണ്ടെ​ത്താ​ൻ സ​ഹാ​യി​ച്ച​ത്. ഹോ​ട്ട​ലി​ൽ മു​ഴു​വ​ൻ സ​മ​യം മാ​സ്ക് വ​ച്ച് ജോ​ലി​ചെ​യ്യു​ന്ന​ത് ക​ണ്ട് സം​ശ​യം തോ​ന്നി​യ മ​ല​യാ​ളി​യാ​യ ഹോ​ട്ട​ൽ ഉ​ട​മ കേ​ര​ള​ത്തി​ലെ സു​ഹൃ​ത്താ​യ പൊ​ലീ​സ് ഉ​ദ്യോ​ഗ​സ്ഥ​നെ വി​വ​രം അ​റി​യി​ക്കു​ക​യാ​യി​രു​ന്നു. തു​ട​ർ​ന്ന് ക​ണ്ണൂ​രി​ലെ ബാ​ങ്ക് ത​ട്ടി​പ്പു​മാ​യി സം​ശ​യം തോ​ന്നി​യ ഉ​ദ്യോ​ഗ​സ്ഥ​ൻ ഇ​രി​ട്ടി സി​.ഐ കു​ട്ടി​കൃ​ഷ്ണ​നു​മാ​യി ബ​ന്ധ​പ്പെ​ട്ടു. ഹോ​ട്ട​ൽ അ​ധി​കൃ​ത​ർ ന​ൽ​കി​യ ഫോ​ട്ടോ ക​ണ്ട്​ പ്ര​തി​യെ ഇ​രി​ട്ടി പൊ​ലീ​സ് തി​രി​ച്ച​റി​ഞ്ഞു. പ്ര​തി​ക്ക് യാ​തൊ​രു സം​ശ​യവും തോ​ന്നാ​ത്ത രീ​തി​യി​ൽ ഇ​രി​ട്ടി​യി​ൽ നി​ന്നെ​ത്തി​യ പ്ര​ത്യേ​ക അ​ന്വേ​ഷ​ണസം​ഘം ഹോ​ട്ട​ലി​ൽ നി​ന്നു ത​ന്നെ ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.

സാമ്പത്തിക നേട്ടം ഒന്നും ഉണ്ടായിട്ടില്ലെങ്കിലും ശാഖാ മാനേജർ ഗുരുതരമായ വീഴ്ചയാണ് വരുത്തിയത്. മാനേജർക്കെതിരെ കേസെടുക്കുന്ന കാര്യം പിന്നീട് തീരുമാനിക്കും

സി.ഐ. കുട്ടികൃഷ്ണൻ