ജഡ്‌ജിയുടെ വീട്ടിൽ നോട്ടുകൂമ്പാരം: രാഷ്ട്രപതിക്ക് പരാതി

ന്യൂഡൽഹി: ഡൽഹി ഹൈക്കോടതി മുൻ ജഡ്‌ജി യശ്വന്ത് വർമ്മയുടെ ഔദ്യോഗിക വസതിയിൽ കണ്ടെത്തിയ നോട്ടുകൂമ്പാരത്തിന്റെ ഉറവിടം അന്വേഷിക്കണമെന്ന് ആവശ്യപ്പെട്ട് രാഷ്ട്രപതിക്ക് പരാതി. കേരള ഹൈക്കോടതിയിലെ അഭിഭാഷകനും പൊതു പ്രവർത്തകനുമായ കുളത്തൂർ ജയ്‌സിംഗാണ് പരാതി അയച്ചത്. അതീവ ഗൗരവമുള്ള വിഷയമാണ്. അതിനാൽ നോട്ടുകളുടെ ഉറവിടവും,ജഡ്‌ജിയുടെ വരുമാനവും അന്വേഷിക്കണമെന്ന് പരാതിയിൽ ആവശ്യപ്പെട്ടു.