ഗൂഗിൾ ലോഗോയ്ക്ക് മാറ്റം

വാഷിംഗ്ടൺ: 10 വർഷത്തിന് ശേഷം ലോഗോയിൽ മാ​റ്റംവരുത്തി ഗൂഗിൾ. ഗൂഗിളിന്റെ ' ജി ' (ഇംഗ്ലീഷ് അക്ഷരം) ലോഗോയിലാണ് മാറ്റം. ജിയിൽ ചുവപ്പ്, മഞ്ഞ, പച്ച, നീല നിറങ്ങൾ ഒരോ ബ്ലോക്കുകളായിട്ടായിരുന്നു നേരത്തെ വിന്യസിച്ചിരുന്നത്. എന്നാലിപ്പോൾ ഈ നിറങ്ങളെ ഗ്രേഡിയന്റ് ഡിസൈനിൽ വിന്യസിച്ചാണ് പുതിയ മാ​റ്റം. ഐ.ഒ.എസ്, പിക്‌സൽ ഫോണുകളിലാണ് പുതിയ ലോഗോ ആദ്യം ലഭ്യമാവുക. അതേ സമയം, ഗൂഗിളിന്റെ പ്രധാന വേർഡ്മാർക്ക് ലോഗോയിൽ മാറ്റമില്ല.