സ്റ്റുഡന്റ് പൊലീസ്

തിരുവനന്തപുരം: ജില്ലയിലെ സ്റ്റുഡന്റ് പൊലീസിന്റെ ആഭിമുഖ്യത്തിൽ പരിസ്ഥിതിദിനാഘോഷം സംഘടിപ്പിച്ചു.സ്‌കൂൾ മുറ്റത്ത് ഒരു പച്ചക്കറിത്തോട്ടം എന്ന പദ്ധതിയുടെ ജില്ലാതല ഉദ്ഘാടനം കോട്ടൺഹിൽ ഗവൺമെന്റ് ഗേൾസ് ഹയർ സെക്കൻഡറി സ്‌കൂളിൽ നടന്നു. പൊലീസ് ട്രെയിനിംഗ് കോളേജ് പ്രിൻസിപ്പലും എസ്.പി.സി പദ്ധതിയുടെ അഡിഷണൽ സ്റ്റേറ്റ് ഓഫീസറുമായ രമേഷ് കുമാർ.പി.എൻ ഉദ്ഘാടനം ചെയ്തു.സ്കൂൾ പ്രിൻസിപ്പൽ ഗ്രീഷ്മ.വി കേഡറ്റുകൾക്ക് പരിസ്ഥിതിദിന പ്രതിജ്ഞ ചൊല്ലിക്കൊടുത്തു. പ്രിൻസിപ്പൽ എച്ച്.എം രേഖ,എസ്.പി.സി.എ ഡി.എൻ.ഒ ഷിബു.ഡി, കമ്മ്യൂണിറ്റി പൊലീസ് ഓഫീസർമാരായ പ്രദീപ്,കരോളിൻ ജോസഫ്,പൊലീസ് ഉദ്യോഗസ്ഥരായ ജോയ് ജോസഫ്,സുഭാഷ്,ശ്രീനാഥ് എന്നിവർ പങ്കെടുത്തു.