സുപ്രധാന വിസ നിറുത്തലാക്കി, പ്രവാസികൾക്ക് തിരിച്ചടി

ആഗോള തൊഴിൽ പ്രവാഹത്തെ തടസപ്പെടുത്തുന്ന നീക്കവുമായി സൗദി അറേബ്യ. ഇന്ത്യ, പാകിസ്ഥാൻ, നൈജീരിയ തുടങ്ങിയ 14 രാജ്യങ്ങളിൽ നിന്നുള്ള പൗരന്മാർക്ക് 'ബ്ലോക്ക് വർക്ക് വിസ" നൽകുന്നത് സൗദി താത്കാലികമായി നിർത്തിവച്ചു. ഹജ്ജ് സീസൺ കണക്കിലെടുത്ത് 2025 ജൂൺ അവസാനം വരെ ഈ തീരുമാനം തുടരുമെന്നാണ് വിവരം. ഇതുകാരണം തൊഴിലാളികളുടെ കാര്യത്തിൽ അനിശ്ചിതത്വം തുടരുകയാണ്. വിവിധ കമ്പനികളുടെ പ്രവർത്തനത്തെയും തീരുമാനം പ്രതികൂലമായി ബാധിച്ചു.