കീർത്തി സുരേഷിന്റെ റിവോൾവർ റീത്ത ആഗസ്റ്റ് 27ന്

കീർത്തി സുരേഷ് നായികയായി കെ. ചന്ദ്രു രചനയും സംവിധാനവും നിർവഹിക്കുന്ന റിവോൾവർ റീത്ത ആഗസ്റ്റ് 27ന് റിലീസ് ചെയ്യും. രാധിക ശരത്കുമാറും നിർണായക വേഷത്തിൽ എത്തുന്നു. നെറ്റ്ഫ്ലിക്സ് ചിത്രത്തിന്റെ ഒ ടി ടി അവകാശം സ്വന്തമാക്കി.

ഡാർക് കോമഡി ആക്ഷൻ ഗണത്തിൽ പെടുന്ന ചിത്രത്തിൽ സുനിൽ,​ ജോൺ വിജയ് എന്നിവരാണ് മറ്റു താരങ്ങൾ.

നിർമ്മാണം സുധൻ സുന്ദരം, ജഗദീഷ് പളനിസ്വാമി,​ ഛായാഗ്രഹണം ദിനേശ് കൃഷ്ണൻ, എഡിറ്റിംഗ് പ്രവീൺ.

ബേബി ജോൺ ആണ് കീർത്തി സുരേഷിന്റേതായ ഒടുവിൽ റിലീസ് ചെയ്ത ചിത്രം.കീർത്തിയുടെ ബോളിവുഡ് അരങ്ങേറ്റ ചിത്രം കൂടിയായ ബേബി ജോൺ ബോക്സ് ഒാഫീസിൽ കനത്ത തിരിച്ചടി നേരിട്ടു.