പ്രയുക്തി തൊഴിൽ മേള

തിരുവനന്തപുരം: മോഡൽ ജില്ലാ എംപ്ലോയ്‌മെന്റ് എക്സ്‌ചേഞ്ചിന്റെ ആഭിമുഖ്യത്തിൽ 29ന് പ്രയുക്തി 2025 തൊഴിൽമേള സംഘടിപ്പിക്കും.വട്ടിയൂർക്കാവ് സെൻട്രൽ പോളിടെക്നിക് കോളേജിൽ നടക്കുന്ന മേളയിൽ ഐ.ടി, ഓട്ടോമൊബൈൽ,മാർക്കറ്റിംഗ് തുടങ്ങിയ രംഗങ്ങളിലെ 20 ൽപ്പരം പ്രമുഖ തൊഴിൽദായകർ പങ്കെടുക്കും. 10, +2, ഐടിഐ, ഡിപ്ലോമ, ബിരുദം,ബിരുദാനന്തര ബിരുദം,ബിടെക് യോഗ്യതയുള്ളവർക്കായി അഞ്ഞൂറിലേറെ ഒഴിവുകളുണ്ട്. https://ncs.gov.in ലിങ്ക് വഴി തൊഴിൽദായകർക്കും ഉദ്യോഗാർത്ഥികൾക്കും രജിസ്റ്റർ ചെയ്യാം. രജിസ്റ്റർ ചെയ്യാനാകാത്തവർക്ക് അന്നേ ദിവസം സ്‌പോട്ട് രജിസ്‌ട്രേഷൻ സൗകര്യമുണ്ട്. വിവരങ്ങൾക്ക് ഫോൺ: 0471 - 2992609.