വേൾഡ് മലയാളി കൗൺസിൽ; ഡോ. ബാബു സ്റ്റീഫൻ പ്രസിഡന്റ്, ഷാജി എം. മാത്യു ജനറൽ സെക്രട്ടറി

ന്യൂ ജെഴ്‌സി (യു. എസ് എ.): ആഗോള മലയാളി സംഘടനയായ വേൾഡ് മലയാളി കൗൺസിൽ 2025-2027 വർഷത്തെ പുതിയ ഗ്ലോബൽ ഭാരവാഹികളെ തിരഞ്ഞെടുത്തു. അഞ്ചു ഭൂഖണ്ഡങ്ങളിലുള്ള 50 രാജ്യങ്ങളിലെ 75 പ്രവിശ്യകളിൽ നിന്നുള്ള സംഘടന പ്രതിനിധികൾ ആണ് അടുത്ത രണ്ടു വർഷത്തെ ഭാരവാഹികളെ തിരഞ്ഞെടുത്തത്.

നിലവിലെ ഗ്ലോബൽ പ്രസിഡന്റ് , തോമസ് മോട്ടക്കൽ( യു.എസ്.എ ) പുതിയ ഗ്ലോബൽ ചെയർമാനായും ഫൊക്കാന മുൻ പ്രസിഡന്റും വേൾഡ് മലയാളി കൗൺസിൽ ബിസിനസ്സ് ഫോറം ചെയർമാനുമായ ഡോ. ബാബു സ്റ്റീഫൻ ( യു.എസ്.എ പുതിയ ഗ്ലോബൽ പ്രസിഡന്റായും. ഷാജി എം. മാത്യു( കേരളം ) സെക്രട്ടറി ജനറലായും തിരഞ്ഞെടുക്കപ്പെട്ടു.

സണ്ണി വെളിയത്ത് ( യൂറോപ്പ് ) ആണ് ട്രഷറർ, വൈസ് ചെയർമാൻ മാരായി ദിനേശ് നായർ ( ഗുജറാത്ത്‌), സുരേന്ദ്രൻ കണ്ണാട്ട് ( ഹൈദരാബാദ്), വിൽസൺ ചത്താൻകണ്ടം ( സ്വിറ്റ്സർ ലൻഡ് ), മോളി പറമ്പത്ത് ( യൂറോപ്പ്) എന്നിവരും, വൈസ് പ്രസിഡന്റ്‌ (അഡ്മിൻ) ജെയിംസ് കൂടൽ( യു.എ,സ്.എ ) വൈസ് പ്രസിഡന്റ്‌ ഓർഗനൈസേഷൻ ഡെവലപ്പ്മെന്റ് ആയി, ജോൺ സാമുവൽ ( ദുബായ്) ഡോ. തങ്കം അരവിന്ദ് ( വൈസ് പ്രസിഡന്റ് അമേരിക്ക റീജിയൻ,) ജോഷി പന്നാരക്കുന്നേൽ ( വൈസ് പ്രസിഡന്റ്‌ യൂറോപ്പ് റീജിയൻ), തങ്കമണി ദിവാകരൻ ( വൈസ് പ്രസിഡന്റ്‌ ഇന്ത്യ റീജിയൻ ), അജോയ് കല്ലൻ കുന്നിൽ ( വൈസ് പ്രസിഡന്റ്‌-ഫാർ ഈസ്റ്റ്‌ റീജിയൻ), അഡ്വ.തോമസ് പണിക്കർ ( വൈസ് പ്രസിഡന്റ്‌ മിഡിൽ ഈസ്റ്റ്‌ റീജിയൻ) എന്നിവരും, ഗ്ലോബൽ സെക്രട്ടറി മാരായി കെ. വിജയചന്ദ്രൻ (കേരളം), പ്രദീപ് കുമാർ ( മിഡിൽ ഈസ്റ്റ്‌), ഗ്ലോബൽ ജോയിന്റ് സെക്രട്ടറി മാരായി സജി തോമസ് (ഇന്ത്യ), ജെയ്സൺ ജോസഫ് (ഇന്ത്യ), എന്നിവരുംതിരഞ്ഞെടുക്കപ്പെട്ടു.

ഗ്ലോബൽ ജോയിന്റ് ട്രഷറർമാരായി രാജു തേവർമഠം ( മിഡിൽ ഈസ്റ്റ്‌ ) ഡോ. സുമൻ ജോർജ് ( ഓസ്ട്രേലിയ) എന്നിവരെയും തിരഞ്ഞെടുതായി സംഘടനയുടെ കേന്ദ്ര തി​രഞ്ഞെടുപ്പ് ഓഫീസർ ഡോ. സൂസൻ ജോസഫ് അറിയിച്ചു. സംഘടന 30 വർഷം പൂർത്തിയാക്കുന്ന ഈ വേളയിൽ ജൂലായ് 25 ന് ബാങ്കോക്കിൽ നടക്കുന്ന ആഗോള മലയാളി സംഗമത്തിൽ പുതിയ സാരഥികൾ സ്ഥാനം ഏറ്റെടുക്കും.