പുതുമുഖങ്ങളുടെ ചിത്രവുമായി കൊക്കേഴ്സ് ഫിലിംസ്
ചിത്രസംയോജകൻ ഫ്രാൻസിസ് ലൂയിസ് സംവിധായകനാവുന്നു മലയാളസിനിമയ്ക്ക് അഭിമാനിക്കാവുന്ന നിരവധി ചിത്രങ്ങൾ നിർമ്മിച്ച കെക്കേഴ്സ് ഫിലിംസ് ഒരുക്കുന്ന പുതിയ ചിത്രത്തിൽ പുതുമുഖങ്ങൾ പ്രധാന വേഷത്തിൽ എത്തുന്നു. കൊക്കേഴ്സ് ഫിലിംസ് നി‌ർമ്മിക്കുന്ന 24 -ാമസ് ചിത്രം ചിത്രസംയോജകൻ ഫ്രാൻസിസ് ലൂയിസ് സംവിധാനം ചെയ്യുന്നു. ദി ഗ്രേറ്റ് ഇന്ത്യൻ കിച്ചൺ , കാതൽ - ദി കോർ തുടങ്ങിയ ചിത്രങ്ങളുടെ എഡിറ്രിംഗ് നിർവഹിച്ച ഫ്രാൻസിസ് ലൂയിസിന്റെ ആദ്യ സംവിധാന സംരംഭം ആണ്. അറ്റൻഷൻ പ്ലീസ്, രേഖ, പട്ട് തുടങ്ങിയ നിരൂപക പ്രശംസ നേടിയ ചിത്രങ്ങളുടെ സംവിധാനത്തിലൂടെ ശ്രദ്ധേയനായ ജിതിൻ ഐസക് തോമസും ഫ്രാൻസിസും ചേർന്നാണ് തിരക്കഥ . കൊക്കേഴ്സ് ഫിലിംസിന്റെ ബാനറിൽ ആൻഡ്രൂ & ജോൺ എഫ്‌സി പ്രൈവറ്റ് ലിമിറ്റഡുമായി സഹകരിച്ച് സിയാദ് കോക്കറാണ് നിർമ്മിക്കുന്നത്. ആഗസ്റ്റ് ആദ്യം എറണാകുളത്ത് ചിത്രീകരണം ആരംഭിക്കും. ഛായാഗ്രഹണം സാലു കെ തോമസും, സംഗീതം മാത്യൂസ് പുളിക്കനും നിർവഹിക്കുന്നു. ചിത്രത്തിന്റെ എഡിറ്റിംഗും സംവിധായകൻ ഫ്രാൻസിസ് ലൂയിസ് ആണ് . പ്രൊഡക്ഷൻ കൺട്രോളർ: ഷിഹാബ് വെണ്ണല, പ്രോജക്ട് ഡിസൈനർ: ബോണി അസന്നാർ, ആർട്ട്: രാജേഷ് പി വേലായുധൻ, കോസ്റ്റ്യൂംസ്: സപ്ന ഫാത്തിമ ഖാജാ, മേക്കപ്പ്: ജിതേഷ് പൊയ്യ, ചീഫ് അസോസിയേറ്റ് ഡയറക്ടർ: അഖിൽ ആനന്ദൻ, അസോസിയേറ്റ് ഡയറക്ടർ: മാർട്ടിൻ എൻ ജോസഫ്, , പി ആർ.ഒ: പി ശിവപ്രസാദ്,