വൈക്കം മുഹമ്മദ് ബഷീർ അനുസ്‌മരണം

ആലപ്പുഴ: പഴവീട് വിജ്ഞാനപ്രദായിനി ഗ്രന്ഥശാല വായനപക്ഷാചരണവുമായി ബന്ധപ്പെട്ടു പഴവീട് ഗവ.യു.പി സ്കൂളിൽ വൈക്കം മുഹമ്മദ് ബഷീർ അനുസ്മരണം നടത്തി. ഗ്രന്ഥശാല അദ്ധ്യക്ഷൻ ബാലൻ സി. നായർ അദ്ധ്യക്ഷത വഹിച്ച യോഗം,​ പ്രഥമാദ്ധ്യാപിക മിനി മുഹമ്മദാലി ഉദ്ഘാടനം ചെയ്തു. അദ്ധ്യാപകൻ ശ്യാം ലാൽ മുഖ്യപ്രഭാഷണം നടത്തി. ജോയിന്റ് സെക്രട്ടറി എൻ.എസ്.രാധാകൃഷ്ണൻ സ്വാഗതവും ബാലവേദി മെന്റർ ഇന്ദു സജികുമാർ നന്ദിയും പറഞ്ഞു.