ഓർമ്മപ്പെരുന്നാൾ കൊടിയേറി

കോട്ടയം: മലങ്കരസഭാ ആസ്ഥാനമായ ദേവലോകം കാതോലിക്കേറ്റ് അരമനയിൽ കബറടങ്ങിയിരിക്കുന്ന ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവായുടെ നാലാമത് ഓർമ്മപ്പെരുന്നാളിന് കൊടിയേറി. അരമന മാനേജർ യാക്കോബ് റമ്പാൻ കൊടിയേറ്റി. ഫാ.ഏബ്രഹാം പി ജോർജ്, ഫാ.അശ്വിൻ ഫെർണാണ്ടസ് എന്നിവർ പങ്കെടുത്തു. ഇന്ന് രാവിലെ 7 ന് വിശുദ്ധ കുർബാന ഫാ.കെ.കെ വർഗീസ്. 11ന് വൈകിട്ട് വിവിധ ഭദ്രാസനങ്ങളിൽ നിന്നുള്ള തീർത്ഥാടക സംഘത്തിന് അരമനയിൽ സ്വീകരണം. 12 ന് വിശുദ്ധ മൂന്നിൻമേൽ കുർബാനയ്ക്ക് ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ മുഖ്യകാർമ്മികത്വം വഹിക്കും.