ഈ നാളുകാരാണോ,​ സകലകാര്യങ്ങളിലും വിജയം നേടും,​ ധനപരമായി നേട്ടങ്ങൾ ഉണ്ടാകും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 ജൂലായ് 13 - മിഥുനം 29 ഞായറാഴ്ച (( പുലർച്ചെ 6 മണി 52 മിനിറ്റ് 36 സെക്കന്റ് വരെ തിരുവോണം നക്ഷത്രം ശേഷം അവിട്ടം നക്ഷത്രം )

അശ്വതി : കാര്യങ്ങൾക്ക് അപ്രതീക്ഷിത തടസം നേരിടും. കച്ചവട രംഗത്ത് ധനനഷ്ടം ഉണ്ടാകാനിടയുണ്ട്. പുതിയ സംരംഭങ്ങൾ തുടങ്ങാൻ അനുകൂല സമയമല്ല.

ഭരണി : വിദ്യാർത്ഥികൾക്ക് പഠന കാര്യങ്ങളിൽ ശ്രദ്ധക്കുറവ് അനുഭവപ്പെടും. ധനനഷ്ടങ്ങൾ, ഇച്ഛാഭംഗം, മനോമാന്ദ്യം എന്നീ സമ്മിശ്ര ഫലങ്ങൾ ഉണ്ടാകും.

കാർത്തിക : വിവാഹ കാര്യത്തിൽ തീരുമാനമാകും. മംഗള കർമ്മത്തിൽ പങ്കെടുക്കും. സന്തോഷം നൽകുന്ന വാർത്തകൾ വിദേശത്ത് നിന്ന് ലഭിക്കും. ദിനമദ്ധ്യത്തിനു ശേഷം ഗുണകരമായ മാറ്റങ്ങൾ ഉണ്ടാകുന്നതാണ്.

രോഹിണി : കാര്യവിജയം, സന്തോഷം, നൂതന സംരംഭങ്ങളുടെ തുടക്കം ഇവ ഉണ്ടാകും. ദീർഘനാളായി ചിന്തിക്കുന്ന കാര്യങ്ങൾ സാധിക്കുന്നതാണ്. പുതിയ ജോലിക്ക് ശ്രമിക്കുന്നവർക്ക് അനുകൂലമായ വിവരങ്ങൾ ലഭിക്കും.

മകയിരം : സന്താനങ്ങൾ കാരണം സന്തോഷിക്കാനുള്ള അവസരം ഉണ്ടാകും. കുടുംബ സമേതം ഉല്ലാസ യാത്രകൾക്ക് തയ്യാറെടുക്കും. പ്രണയ ജീവിതത്തിൽ സമ്മാനങ്ങൾ കൈമാറും. ഉദ്ദിഷ്ടകാര്യസിദ്ധി.

തിരുവാതിര : സകലകാര്യവിജയം, കീർത്തി, ബഹുമതികൾ, സുഹൃദ്സമാഗമം, ധനപരമായ നേട്ടങ്ങൾ ഇവ ഉണ്ടാകുന്നതാണ്. വളരെക്കാലമായി കാണാതിരുന്ന ഒരു സുഹൃത്തിനെ കാണാനിടയാകും.

പുണർതം : യാത്രാസുഖം, ലക്ഷ്യപ്രാപ്തി, ഉന്നത സ്ഥാനലബ്ധി. സന്ധ്യയ്ക്കശേഷം ഗുണദോഷ സമ്മിശ്രം. പല കാര്യങ്ങളും പ്രതീക്ഷിച്ചതിനേക്കാൾ എളുപ്പത്തിൽ നടക്കും.

പുയം : വീട്ടമ്മമാർക്കും വിദ്യാർത്ഥികൾക്കും ഭാഗ്യാനുഭവങ്ങൾ, ധന ലാഭം, വസ്ത്ര ലാഭം. പുരസ്‌ക്കാരങ്ങൾ ലഭിക്കും, ജല യാത്ര നടത്താൻ യോഗം.

ആയില്യം : മനസ്സിനിണങ്ങിയ ജീവിത പങ്കാളിയെ കണ്ടെത്തുന്നതിൽ വിജയിക്കും. കർമ്മ രംഗത്ത് ഉണ്ടായിരുന്ന പ്രതികൂല സാഹചര്യങ്ങൾ മാറി കാര്യങ്ങൾ മെച്ചപ്പെടും.

മകം : സർവകാര്യങ്ങളിലും പ്രതിബന്ധം, ഇച്ഛാഭംഗം, മനോമാന്ദ്യം, അലച്ചിൽ, ഉദരവൈഷമ്യങ്ങൾ ഇവ ഉണ്ടാകും. മദ്ധ്യാഹ്നശേഷം മാറ്റം വരുന്നതാണ്. സാമ്പത്തിക പ്രതിസന്ധി ഉണ്ടാകാനിട. യാത്രയിൽ ധന നഷ്ടത്തിന് സാദ്ധ്യത

പൂരം : അപകടഭീതി, ധനനഷ്ടം, എന്ത് കാര്യം ചെയ്യാനും ഒരു ഭയം നിലനിൽക്കും. ആരോഗ്യ പ്രശ്നങ്ങൾ ഉണ്ടാകാം, അശ്രദ്ധ കാണിക്കരുത്. വിദ്യാർത്ഥികൾ പഠന കാര്യത്തിൽ ശ്രദ്ധക്കുറവ് കാണിക്കരുത്.

ഉത്രം : സന്തോഷം ഇല്ലാതാക്കുന്ന വാർത്തകൾ കേൾക്കാനിടയാകും. യാത്രയ്ക്ക് തടസ്സങ്ങൾ നേരിടും. കർമ്മ മേഖലയിൽ പ്രതികൂല സാഹചര്യങ്ങൾ ഉണ്ടാകും. എന്നിരുന്നാലും ജോലി ഉപേക്ഷിക്കുന്നത് ബുദ്ധിപരമായ നീക്കമല്ല.

അത്തം : കുടുംബകലഹം, മനഃക്ലേശങ്ങൾ, സാമ്പത്തിക നഷ്ടങ്ങൾ ഇവ വന്നു ഭവിക്കും. ബിസിനസിലെ നഷ്ടം കൂടുതൽ പിരിമുറുക്കം ഉണ്ടാക്കാൻ സാദ്ധ്യതയുണ്ട്. സർവ്വ കാര്യങ്ങൾക്കും തടസ്സങ്ങൾ, സ്വസ്ഥതക്കുറവ്, ശിരോരോഗം,

ചിത്തിര : രോഗവിഷമതകൾ കാരണം ഔഷധ സേവ ആവശ്യമായി വന്നേക്കാം. വിവാഹകാര്യങ്ങളിൽ തീരുമാനം ഉണ്ടാകാൻ ഇനിയും കാത്തിരിക്കേണ്ടി വരും. സന്താനങ്ങൾക്ക് ചില ആരോഗ്യ പ്രശ്നങ്ങൾ ഉണ്ടാകാനിടയുണ്ട്.

ചോതി : പ്രണയ ജീവിതത്തിൽ സന്തോഷം നിറയും. ഉച്ചയ്ക്കശേഷം ഗുണാത്മകമായ മാറ്റങ്ങൾ ഉണ്ടാകുന്നതാണ്. സാമ്പത്തിക സ്ഥിതി മെച്ചപ്പെടും. ബിസിനസിൽ നിന്ന് സാമ്പത്തിക ലാഭം.

വിശാഖം : തൊഴിൽപരമായി മുന്നേറ്റം, സാമ്പത്തിക വിഷമങ്ങൾക്ക് ശമനം ഉണ്ടാകും, ജീവിത പങ്കാളിയിൽ നിന്നും ഉറച്ച പിന്തുണ, ഇഷ്ട ജനത്തിൽ നിന്നും ഗുണാനുഭവം.

അനിഴം : അംഗീകാരം, പ്രണയസാഫല്യം, ക്ഷേത്ര ദർശന ഭാഗ്യം ഉണ്ടാകും. സർവകാര്യവിജയം, സന്തോഷം, വിദേശത്ത് പോകാൻ ശ്രമിക്കുന്നവർക്ക് അനുകൂലമായി കാര്യങ്ങൾ നടക്കും.

കേട്ട : കലാകാരന്മാരെ തേടി നല്ല അവസരങ്ങളെത്തും. ദീർഘനാളായി ആഗ്രഹിച്ചിരുന്ന കാര്യങ്ങൾ ഇന്ന് നടക്കാൻ സാദ്ധ്യതയുണ്ട്. ദാമ്പത്യത്തിൽ സന്തോഷം നിലനിൽക്കും. അഭീഷ്ടസിദ്ധി, മനഃസന്തോഷം.

മൂലം : ധനപരമായ നേട്ടങ്ങൾ, ഉദ്ദിഷ്ടകാര്യസിദ്ധി ബന്ധുസമാഗമം ഇവ ഫലമാകുന്നു. സ്വപ്രയത്നത്താൽ ഉയർച്ച ഉണ്ടാകുന്നതാണ്. വ്യാപാര മേഖലയിൽ പ്രവർത്തിക്കുന്നവർക്ക് ധന ലാഭം ഉണ്ടാകും.

പൂരാടം : മനസ്സിനു സന്തോഷം, സാമ്പത്തിക പുരോഗതി, പരീക്ഷണങ്ങളിൽ നല്ല വിജയം കരസ്ഥമാക്കും. യാത്രകൾ സഫലമാകും. രോഗങ്ങൾ മാറും. ഭക്ഷണപ്രിയർക്ക് ഇഷ്ട ഭക്ഷണയോഗം കാണുന്നു.

ഉത്രാടം : പൊതുവെ സർവ്വ കാര്യവിജയം. സന്ധ്യയ്ക്കശേഷം ഗുണദോഷ സമ്മിശ്രത. വിദേശത്ത് നിന്ന് ചില നല്ല വാർത്തകൾ ലഭിക്കും. സാമ്പത്തിക നേട്ടങ്ങൾ, പുതിയ തൊഴിൽ പരിശീലിക്കും, രോഗങ്ങളിൽ നിന്നും മുക്തി നേടും.

തിരുവോണം : ദാമ്പത്യജീവിതം സുഖകരമാകും. പുതിയ വീടുപണിയാനുള്ള സാഹചര്യം ഒത്തുചേരും. ഇഷ്ടപ്പെട്ട വസ്തുക്കൾ കൈമോശം വരാതെ സൂക്ഷിക്കണം. സമ്മാനങ്ങൾ ലഭിക്കാൻ സാദ്ധ്യതയുണ്ട്.

അവിട്ടം : ഔദ്യോഗികരംഗത്ത് ചില പ്രയാസങ്ങൾ നേരിടേണ്ടി വന്നേക്കാം. ജോലിയിൽ സ്ഥലംമാറ്റത്തിന് സാദ്ധ്യതയുണ്ട്. ചില പ്രധാനപ്പെട്ട രേഖകൾ കൈവശം വന്നചേരും, അവ കൃത്യമായി സൂക്ഷിക്കേണ്ടത് പ്രധാനമാണ്.

ചതയം : മനഃക്ലേശം ഉണ്ടാക്കുന്ന കാര്യങ്ങൾ ഉണ്ടാകാം. പങ്കാളിയുടെ മോശം ആരോഗ്യം മനസിനെ അസ്വസ്ഥപ്പെടുത്തും, ആരോഗ്യ പരമായി പ്രശ്നങ്ങൾ ഉണ്ടാകാനിടയുണ്ട്. ദാമ്പത്യത്തിൽ സംഘർഷങ്ങൾ ഉണ്ടാകാൻ സാദ്ധ്യത.

പൂരുരുട്ടാതി : കൂട്ടുബിസിനസ്സിൽ നിന്ന് വേണ്ടത്ര ലാഭം പ്രതീക്ഷിക്കേണ്ടതില്ല. കലാകാരന്മാർക്ക് പല രീതിയിലുള്ള ബുദ്ധിമുട്ടുകൾ ഉണ്ടാകും. രോഗങ്ങൾ വിട്ടുമാറുന്നില്ല എന്ന തോന്നൽ കൂടുതലാകും. സ്വസ്ഥതക്കുറവ്, ധനനഷ്ടങ്ങൾ.

ഉതൃട്ടാതി : മനോമാന്ദ്യം, പല കാര്യങ്ങൾക്കും തടസ്സം നേരിടും. മുൻകൂട്ടി തീരുമാനിച്ച ചില യാത്രകൾ പലവിധ കാരണങ്ങളാൽ മുടങ്ങാൻ സാധ്യതയുണ്ട്. സാമ്പത്തിക ക്ലേശം അനുഭവപ്പെട്ടേക്കാം.

രേവതി : അഭിമാന നഷ്ടങ്ങൾ, അനാരോഗ്യം, യാത്രാക്ലേശം, ഇച്ഛാഭംഗം, ബന്ധുജന വിയോഗം മനസ്സിന് വിഷമമുണ്ടാക്കും. ജോലിസ്ഥലത്ത് കൂടുതൽ ഉത്തരവാദിത്തങ്ങൾ ഏറ്റെടുക്കേണ്ടതായി വരും.