പാലിയേക്കര ടോൾ പ്ലാസ; അലയൊടുങ്ങാത്ത സമരഭൂമിക

പുതുക്കാട്: സംസ്ഥാനത്തെ ആദ്യ ബി.ഒ.ടി പാതയായി മണ്ണുത്തി - എടപ്പള്ളി റോഡ് 2012ൽ നിർമ്മിക്കുംമുൻപേ ആരംഭിച്ച സമരകോലാഹലങ്ങൾ 23 വർഷങ്ങൾ പിന്നിടുമ്പോഴും പാലിയേക്കര ടോൾ പ്ലാസയിൽ തുടരുന്നു. 2012 ഫെബ്രുവരി ഒമ്പതിനാണ് പാലിയേക്കരയിൽ ടോൾപിരിവ് തുടങ്ങിയത്. അതിനുമുൻപേ സംയുക്ത സമരസമിതിയുടെ നേതൃത്വത്തിൽ ഉപവാസ സമരം ആരംഭിച്ചിരുന്നു.

ആഡ്രാപ്രദേശിലെ കെ.എം.സി കമ്പനിയാണ് ടോൾ പാത നിർമ്മിച്ചത്. ടോൾ പിരിവ് ആരംഭിച്ച് മാസങ്ങൾക്കകം ഗുരുവായൂർ ഇൻഫ്രാസ്ട്രക്ചർ പ്രൈവറ്റ് ലിമിറ്റഡ് എന്ന കമ്പനി ടോൾ പിരിവ് ഏറ്റെടത്തു. എസ്.എൻ.ഡിപിയുടെ നേതൃത്വത്തിലായിരുന്നു ആദ്യ സമരം. സംയുക്ത സമതിയുടെ നേതൃത്വത്തിൽ ടോൾ പിരിവിനെതിരെ എസ്.എൻ.ഡി.പി യൂണിയൻ പ്രസിഡന്റ് സി.ജെ. ജനാർദ്ദനൻ ഉൾപ്പെടെയുള്ളവർ നിരാഹാരം അനുഷ്ഠിച്ചു. നിരാഹാരം ദിവസങ്ങൾ പിന്നിട്ടപ്പോൾ അന്നത്തെ മുഖ്യമന്ത്രി സമരക്കാരെ ചർച്ചക്ക് വിളിച്ചു.

ടോൾ പാതയുടെ ഡ്രെയിനേജ് നിർമ്മാണം ഉൾപ്പെടെയുള്ള പ്രവൃത്തികൾ ആറു മാസത്തിനകം പൂർത്തീകരിക്കണമെന്നും അല്ലെങ്കിൽ ടോൾ പിരിക്കാൻ നൽകിയ അനുമതി പിൻവലിക്കുമെന്നും മുഖ്യമന്ത്രി ഉറപ്പുനൽകി. ആ യോഗത്തിലാണ് പ്രദേശവാസികൾക്ക് സൗജന്യ പാസ് പ്രഖ്യാപിച്ചതും. പിന്നീട് കക്ഷിരാഷ്ട്രീയത്തിന് അതീതമായി സമരപരമ്പരകളായിരുന്നു. സമരക്കാർക്കെതിരെ ചുമത്തിയ കേസുകളിൽ പലതും ഇപ്പോഴും തുടരുന്നുണ്ട്.

ദേശീയപാതയിൽ അടിപ്പാതകളുടെ നിർമ്മാണം ആരംഭിച്ചതോടെ രൂപപ്പെട്ട ഗതാഗതക്കുരുക്കാണ് ടോൾ പ്ലാസ വീണ്ടും സമരവേദിയാകാൻ കാരണം. കളക്ടറുടെ അധികാരം വിനിയോഗിച്ച് അർജുൻ പാണ്ഡ്യൻ രണ്ടുതവണ ടോൾ പിരിവ് നിറുത്താൻ ഉത്തരവിട്ട് മണിക്കുറുകൾക്കകം പിൻവലികേണ്ടി വന്നു. കോൺഗ്രസ് നേതാക്കളായ അഡ്വ. ജോസഫ് ടാജറ്റ്, അഡ്വ. ഷാജി കോടങ്കണ്ടത്ത് എന്നിവർ ഹൈക്കോടതിയിൽ ഒട്ടേറെ ഹർജികൾ നൽകി. മഴ കാരണമാണ് നിർമ്മാണം വൈകുന്നതെന്നാണ് ദേശീയപാത അതോറിറ്റിയുടെ മറുപടി.

സമരമുഖത്ത് ബി.ജെ.പിയില്ല

കേന്ദ്രത്തിൽ അധികാരത്തിലെത്തിയാൽ ടോൾ പ്ലാസ പൊളിച്ചുകളയുമെന്ന് പ്രഖ്യാപിച്ച് മുൻപ് സമരത്തിന് നേതൃത്വം നൽകിയ ബി.ജെ.പി ഇപ്പോൾ സമരരംഗത്ത് സജീവമല്ല. ഗതാഗതക്കുരുക്ക് രൂക്ഷമായതിനെത്തുടർന്ന് ആദ്യം യൂത്ത് കോൺഗ്രസ്, പിന്നെ സി.പി.എം, ഇന്നലെ ഡി.വൈ.എഫ്.ഐ തുടങ്ങിയ സംഘടനകൾ സമരവുമായി രംഗത്തെത്തിയിരുന്നു.

ഡി.​വൈ.​എ​ഫ്.​ഐ​ ​മാ​ർ​ച്ച്: അ​ക്ര​മാ​സ​ക്തം,​ ​ജ​ല​പീ​ര​ങ്കി​ ​പ്ര​യോ​ഗി​ച്ചു

പു​തു​ക്കാ​ട്:​ ​പാ​ലി​യേ​ക്ക​ര​ ​ടോ​ൾ​ ​പ്ലാ​സ​യി​ലേ​ക്ക് ​ഡി.​വൈ.​എ​ഫ്.​ഐ​ ​ജി​ല്ലാ​ ​ക​മ്മി​റ്റി​ ​ന​ട​ത്തി​യ​ ​മാ​ർ​ച്ച് ​അ​ക്ര​മാ​സ​ക്തം.​ ​പൊ​ലീ​സ് ​ജ​ല​പീ​ര​ങ്കി​ ​പ്ര​യോ​ഗി​ച്ചു.​ ​പാ​ലി​യേ​ക്ക​ര​ ​മേ​ൽ​പ്പാ​ല​ത്തി​നു​ ​സ​മീ​പം​ ​നി​ന്നാ​രം​ഭി​ച്ച​ ​മാ​ർ​ച്ച് ​ടോ​ൾ​ ​പ്ല​സ​യ്ക്ക് ​സ​മീ​പം​ ​പൊ​ലീ​സ് ​ത​ട​ഞ്ഞു.​ ​ബാ​രി​ക്കേ​ഡു​ക​ൾ​ ​ത​ള്ളി​മാ​റ്റി​യ​ ​പ്ര​വ​ർ​ത്ത​ക​ർ​ ​ടോ​ൾ​ബൂ​ത്തു​ക​ൾ​ ​തു​റ​ന്ന് ​വാ​ഹ​ന​ങ്ങ​ൾ​ ​ക​ട​ത്തി​വി​ട്ടു. ടോ​ൾ​പ്ലാ​സ​ ​ഓ​ഫീ​സി​ലേ​ക്ക് ​ത​ള്ളി​ക്ക​യ​റാ​ൻ​ ​ശ്ര​മി​ച്ച​ ​പ്ര​വ​ർ​ത്ത​ക​ർ​ ​ചെ​ടി​ച്ച​ട്ടി​ക​ൾ​ ​വ​ലി​ച്ചെ​റി​ഞ്ഞു.​ ​തു​ട​ർ​ന്നാ​ണ് ​ജ​ല​പീ​ര​ങ്കി​ ​പ്ര​യോ​ഗി​ച്ച​ത്.​ ​പി​ന്നീ​ട് ​ന​ട​ന്ന​ ​ഉ​പ​രോ​ധ​സ​മ​രം​ ​ജി​ല്ലാ​ ​സെ​ക്ര​ട്ട​റി​ ​വി.​പി.​ ​ശ​ര​ത്ത് ​പ്ര​സാ​ദ് ​ഉ​ദ്ഘാ​ട​നം​ ​ചെ​യ്തു.​ ​പ്ര​സി​ഡ​ന്റ് ​ആ​ർ.​എ​ൽ.​ ​ശ്രീ​ലാ​ൽ,​ ​ട്ര​ഷ​റ​ർ​ ​എ​ൻ.​ ​സെ​ന്തി​ൽ​ ​കു​മാ​ർ,​ ​കെ.​എ​സ്.​ ​റോ​സ​ൽ​ ​രാ​ജ്,​ ​സു​ക​ന്യ​ ​ബൈ​ജു,​ ​മി​ഥു​ൻ​ ​കൃ​ഷ്ണ​ ​എ​ന്നി​വ​ർ​ ​പ്ര​സം​ഗി​ച്ചു. ചാ​ല​ക്കു​ടി​ ​ഡി​വൈ.​എ​സ്.​പി​യും​ ​പു​തു​ക്കാ​ട്,​ ​കൊ​ട​ക​ര,​ ​വ​ര​ന്ത​ര​പ്പി​ള്ളി,​ ​വെ​ള്ളി​ക്കു​ള​ങ്ങ​ര​ ​ഇ​ൻ​സ്‌​പെ​ക്ട​ർ​മാ​രു​ടെ​ ​നേ​തൃ​ത്വ​ത്തി​ലു​ള്ള​ ​പൊ​ലീ​സ് ​സം​ഘ​വും​ ​ക്ര​മ​സ​മാ​ധാ​ന​പാ​ല​ന​ത്തി​ന് ​നേ​തൃ​ത്വം​ ​ന​ൽ​കി.​ ​പ്ര​വൃ​ത്തി​ക​ൾ​ ​ഉ​ട​ൻ​ ​പൂ​ർ​ത്തീ​ക​രി​ക്കു​ക,​ ​ഗ​താ​ഗ​ത​ക്കു​രു​ക്കും,​ ​യാ​ത്രാ​ദു​രി​ത​വും​ ​അ​വ​സാ​നി​പ്പി​ക്കാ​നു​ള്ള​ ​ന​ട​പ​ടി​ക​ൾ​ ​സ്വീ​ക​രി​ക്കു​ക,​ ​കേ​ന്ദ്ര​മ​ന്ത്രി​ ​സു​രേ​ഷ് ​ഗോ​പി​യു​ടെ​യും​ ​ബെ​ന്നി​ ​ബെ​ഹ​നാ​ൻ​ ​എം.​പി​യു​ടെ​യും​ ​അ​നാ​സ്ഥ​ ​അ​വ​സാ​നി​പ്പി​ക്കു​ക​ ​തു​ട​ങ്ങി​യ​ ​ആ​വ​ശ്യ​ങ്ങ​ൾ​ ​ഉ​ന്ന​യി​ച്ചാ​യി​രു​ന്നു​ ​മാ​ർ​ച്ചും​ ​ഉ​പ​രോ​ധ​വും.