തെരുവുനായ ശല്യം രൂക്ഷം 

തിരുവാർപ്പ് : തിരുവാർപ്പ് ഗ്രാമപഞ്ചയത്തിലെ ആറ്, ഏഴ്, എട്ട് വർഡുകളിൽ തെരുവുനായ ശല്യം രൂക്ഷമാകുന്നതായി പരാതി. ഇറച്ചി വില്പന ശാലകളുടെ പരിസരത്താണ് ഇവ തമ്പടിച്ചിരിക്കുന്നത്. വിദ്യാർത്ഥികളുടെയും പ്രയമായവരുടെയും നേരെ ആക്രമണവും പതിവാകുകയാണ്. വന്ധ്യംകരണ പ്രവർത്തനങ്ങൾ ഉടൻ ആരംഭിച്ച്, തെരുവ് നായ്ക്കൾക്ക് പഞ്ചായത്ത് പ്രത്യേക ഷെൽട്ടറുകൾ നിർമ്മിക്കണമെന്ന് എന്റെ കുമ്മനം കമ്മിറ്റി യോഗം ആവശ്യപ്പെട്ടു. രക്ഷാധികാരി എം.എ അബ്ദുൾജലീൽ ഉദ്ഘാടനം ചെയ്തു. പ്രസിഡന്റ് ജാബീർ ഖാൻ അദ്ധ്യക്ഷതവഹിച്ചു. ലെത്തഫ് മനത്തുകാടൻ, ജലീൽ ലബാ, ഷെമീർ, നിസാം, അർഷദ് എന്നിവർ പങ്കെടുത്തു.