കഞ്ചാവ് വിൽപ്പനയ്ക്കെത്തിച്ച സംഭവം: പ്രധാന പ്രതിയും പിടിയിൽ

ആലപ്പുഴ: ബീച്ച് വാ‌ർഡിൽ കഞ്ചാവ് വില്പനയ്ക്കെത്തിച്ച കേസിൽ പ്രധാന പ്രതിയും പിടിയിലായി. ആലപ്പുഴ ബീച്ച് വാർഡ് തൈയിൽ വീട്ടിൽ റോബിനാണ് (21) പിടിയിലത്. ശനിയാഴ്ച രാത്രിയിൽ വാടയ്ക്കൽ സെന്റ് സെബാസ്റ്റ്യൻ പള്ളിക്ക് സമീപത്ത് കഞ്ചാവുമായി എത്തിയ ബീച്ച് വാർഡ് പുതുപ്പറമ്പ് വീട്ടിൽ ആദർശ് (21), ചാനിയിൽ വീട്ടിൽ ബ്ലെസിൻ (19) എന്നിവരെ സൗത്ത് പൊലീസ് അന്നുതന്നെ പിടികൂടിയിരുന്നു. ഇതിനിടെ ഓടി രക്ഷപ്പെട്ട റോബിനെ ഇന്നലെ രാവിലെയാണ് പിടികൂടിയത്. 1.3 കിലോ കഞ്ചാവും 50 പ്ലാസ്റ്റിക് സിപ് ലോക്ക് കവറുകളും ത്രാസു പിടികൂടിയിരുന്നു. ഇവർക്ക് കഞ്ചാവ് എവിടന്ന് ലഭിച്ചു, കേസിൽ മറ്റ് കണ്ണികളുണ്ടോ എന്നെല്ലാം അന്വേഷിച്ച് വരികയാണെന്ന് സൗത്ത് പൊലീസ് പറഞ്ഞു. പ്രതികളെ റിമാൻഡ് ചെയ്തു.