വിവാഹപൂർവ കൗൺസലിംഗ് കോഴ്‌സ്‌

ചാലക്കുടി: എസ്.എൻ.ഡി.പി യൂണിയന്റെ നേതൃത്വത്തിൽ ദ്വിദിന വിവാഹപൂർവ കൗൺസലിംഗ് ക്ലാസ് സംഘടിപ്പിച്ചു. യൂണിയൻ സെക്രട്ടറി കെ.എ.ഉണ്ണിക്കൃഷ്ണൻ ഉദ്ഘാടനം ചെയ്തു. വൈസ് പ്രസിഡന്റ് ചന്ദ്രൻ കൊളത്താപ്പിള്ളി അദ്ധ്യക്ഷനായി. യൂണിയൻ കൗൺസിലർമാരായ ടി.വി.ഭഗി അനിൽ തോട്ടവീഥി, സി.ജി.അനിൽകുമാർ, യൂത്ത് മൂവ്‌മെന്റ് സെക്രട്ടറി പി.സി.മനോജ്, വനിതാസംഘം സെക്രട്ടറി അജിത നാരായണൻ, ജോയിന്റ് സെക്രട്ടറി ലതാ ബാലൻ എന്നിവർ സംസാരിച്ചു. പായിപ്ര ദമനൻ, ഡോ. സുരേഷ് കുമാർ, ബിന്ദു വിനോദ്, അഡ്വ. വിൻസെന്റ് ജോസഫ് എന്നിവർ ക്ലാസുകൾ നയിച്ചു.