വി. കെ പ്രകാശ് ചിത്രം ബാംഗ്ലൂർ ഹൈ, ഷൈൻ ടോം നായകൻ

വി.കെ. പ്രകാശ് സംവിധാനം ചെയ്യുന്ന ബാംഗ്ലൂർ ഹൈ എന്ന ചിത്രത്തിൽ ഷൈൻ ടോം ചാക്കോ നായകൻ. "സേ നോ ടു ഡ്രഗ്സ്" എന്ന ശക്തമായ സന്ദേശം നൽകുന്ന ചിത്രത്തിന്റെ ചിത്രീകരണം ബംഗ്ളൂരുവിൽ ആരംഭിച്ചു, സിജു വിൽസൺ, അനൂപ് മേനോൻ, ഐശ്വര്യ മേനോൻ, റിയ റോയ്, ഷാൻവി ശ്രീവാസ്തവ, അശ്വിനി റെഡ്ഡി, ബാബുരാജ്, അശ്വിൻ ജോസ്, പ്രശാന്ത് അലക്സാണ്ടർ, റിനോഷ് ജോർജ്, വിനീത് തട്ടിൽ തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു.

കോൺഫിഡന്റ് ഗ്രൂപ്പിന്റെ ബാനറിൽ ഡോ. സി. ജെ റോയ് ആണ് നിർമ്മാണം. മോഹൻലാൽ നായകനായ കാസനോവ നിർമ്മിച്ചാണ് കോൺഫിഡന്റ് ഗ്രൂപ്പ് നിർമ്മാണ രംഗത്തേക്ക് എത്തുന്നത്. കോൺഫിഡന്റ് ഗ്രൂപ്പ് നിർമ്മിക്കുന്ന 12-ാം മത്തെ ചിത്രമാണ്ബാംഗ്ലൂർ ഹൈ. ആശിഷ് രജനി ഉണ്ണിക്കൃഷ്ണൻ രചന നിർവഹിക്കുന്നു. മനോജ് കുമാർ ഖട്ടോയ് ആണ് ഛായാഗ്രഹണം, എഡിറ്റർ: നിധിൻ രാജ് അരോൾ, സംഗീതം: സാം സിഎസ്, ലൈൻ പ്രൊഡക്ഷൻ: ട്രെൻഡ്‌സ് ആഡ്ഫിലിം മേക്കേഴ്‌സ് പ്രൈവറ്റ് ലിമിറ്റഡ്, എക്സിക്യൂട്ടീവ് പ്രൊഡ്യൂസർ: ബാബു എം, ചീഫ് അസോസിയേറ്റ് ഡയറക്ടർ: സ്വയം മേത്ത, പ്രൊഡക്ഷൻ ഡിസൈനർ: വിനോദ് രവീന്ദ്രൻ, സൗണ്ട് ഡിസൈൻ: അജിത് എ ജോർജ്, അസോസിയേറ്റ് ഡയറക്ടർ: ബിബിൻ ബാലചന്ദ്രൻ, കോസ്റ്റ്യൂം ഡിസൈനർ: സുജാത രാജൈൻ, മേക്കപ്പ്: രേഷാം മൊർദാനി,പ്രൊഡക്ഷൻ കൺട്രോളർ: സിൻജോ ഒറ്റത്തിക്കൽ, പി .ആർ. ഒ ആൻഡ് മാർക്കറ്റിംഗ് കൺസൾട്ടന്റ് : പ്രതീഷ് ശേഖർ.