ആർത്താറ്റിൽ ബൈക്ക് അപകടം

കുന്നംകുളം: ആർത്താറ്റിൽ ഉണ്ടായ ബെെക്ക് അപകടത്തിൽ കുന്നംകുളം സ്റ്റേഷനിലെ രണ്ട് പൊലീസുകാർക്കും ഒരു സ്ത്രീക്കും പരിക്കേറ്റു. പരിക്കേറ്റ സ്ത്രീയുടെ നില ഗുരുതരം. കുന്നംകുളം സ്റ്റേഷനിലെ സിവിൽ പൊലീസ് ഓഫീസർമാരായ അജിൽ, ജ്യോതിഷ്, മടത്തിപറമ്പിൽ വീട്ടിൽ ശ്രീദേവി (54) എന്നിവർക്കാണ് പരിക്കേറ്റത്. തിങ്കളാഴ്ച രാത്രി ഏഴിന് ആർത്താറ്റ് പള്ളിക്ക് സമീപത്തായിരുന്നു അപകടം. കുന്നംകുളം ഭാഗത്ത് നിന്ന് ചാട്ടുകുളം ഭാഗത്തേക്ക് പോവുകയായിരുന്ന പൊലീസുകാർ സഞ്ചരിച്ച ബൈക്ക് റോഡ് മുറിഞ്ഞു കടക്കുകയായിരുന്ന സ്ത്രീയെ ഇടിക്കുകയായിരുന്നു. ഇടിയുടെ ആഘാതത്തിൽ പരിക്കേറ്റ ശ്രീദേവിയെ ആദ്യം കുന്നംകുളം മലങ്കര ആശുപത്രിയിലും പിന്നീട് തൃശൂർ ഗവ. മെഡിക്കൽ കോളേജിൽ വെന്റിലേറ്ററിലേക്കും മാറ്റി. പരിക്കേറ്റ പൊലീസുകാരെ കുന്നംകുളം റോയൽ ആശുപത്രിയിൽ പ്രവേശിപ്പിച്ചു.