പീഡനം: ഒരാൾ കൂടി അറസ്റ്റിൽ

തിരുവനന്തപുരം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ചക്കേസിൽ ഒരാൾ കൂടി അറസ്റ്റിൽ. പാച്ചല്ലൂർ വാവറ പുത്തൻവീട്ടിൽ സിനുവിനെയാണ് (40) പേട്ട പൊലീസ് അറസ്റ്റ് ചെയ്തത്. പെൺകുട്ടിയെ ഓട്ടോയിൽ കയറ്റി കൊണ്ടുപോയി മറ്റൊരാളുമായി ചേർന്ന് പീഡിപ്പിച്ചെന്നാണ് കേസ്. മേയ് ആദ്യ ആഴ്ചയിലായിരുന്നു സംഭവം. കേസിൽ ഓട്ടോ ഡ്രൈവറായ അഫ്സൽ നേരെത്തെ അറസ്റ്റിലായിരുന്നു. സിനുവിനെ കുമരിചന്തയ്ക്ക് സമീപമുള്ള വാടക വീട്ടിൽ നിന്ന് പേട്ട സി.ഐ വി.എം. ശ്രീകുമാറിന്റെ നേതൃത്വത്തിൽ എസ്.ഐമാരായ ഗിരീഷ്,സാബു,സി.പി.ഒമാരായ ദീപു,ആദർശ് എന്നിവർ ചേർന്നാണ് അറസ്റ്റ് ചെയ്തത്.