ജില്ലയിൽ ദുരിതാശ്വാസ ക്യാമ്പുകൾ ഒമ്പതായി

ആലപ്പുഴ: മഴക്കെടുതി രൂക്ഷമായതോടെ ജില്ലയിലെ ദുരിതാശ്വാസ ക്യാമ്പുകളുടെ എണ്ണം ഒമ്പതായി. ഇവിടങ്ങളിൽ 32 കുടുംബങ്ങളിലായി 109 പേരാണുള്ളത്. ചേർത്തലഒന്ന്, കുട്ടനാട്

രണ്ട്, കാർത്തികപ്പള്ളിഒന്ന്, ചെങ്ങന്നൂർമൂന്ന്, മാവേലിക്കര രണ്ട് എന്നിങ്ങനെയാണ് താലൂക്കടിസ്ഥാനത്തിലുള്ള ദുരിതാശ്വാസക്യാമ്പുകൾ. അതേസമയം,​ പകൽ വരെ തെളിഞ്ഞു നിന്നെങ്കിലും ഇന്നലെ ഉച്ചയ്ക്ക് ശേഷം ജില്ലയുടെ വിവിധ ഭാഗങ്ങളിൽ ശക്തമായ കാറ്റും മഴയുമുണ്ടായി. കുട്ടനാട്, അപ്പർ കുട്ടനാട് മേഖലയിൽ ജലനിരപ്പ് ക്രമാതീതമായി ഉയർന്നു. മഴ കാര്യമായിട്ടില്ലെങ്കിലും കിഴക്കൻ വെള്ളത്തിന്റെ വരവാണ് കുട്ടനാട്ടിൽ പ്രളയഭീതി ഉയർത്തുന്നത്. ഈ വർഷത്തെ നാലാമത്തെ വെള്ളപ്പൊക്കമാണ് കുട്ടനാട്ടിലേത്. മണിമല, പമ്പ, അച്ചൻകോവിലാറുകളും കൈവഴികളുമെല്ലാം നിറഞ്ഞു കവിഞ്ഞു. അപ്പർകുട്ടനാട്ടിൽ എടത്വാമേഖലയിൽ വെള്ളം ഇറങ്ങിയിട്ടില്ല. കുട്ടനാട്ടിൽ രാമങ്കരി, വെളിയനാട്, മാമ്പുഴക്കരി, മങ്കൊമ്പ്, നെടുമുടി എന്നിവിടങ്ങളിലെല്ലാം വെള്ളപ്പൊക്കം രൂക്ഷമാണ്. ഇന്ന് ജില്ലയ്ക്ക് മഴമുന്നറിയിപ്പുകൾ പ്രഖ്യാപിച്ചിട്ടില്ല. എന്നാൽ,​ ഒറ്റപ്പെട്ടയിടങ്ങളിൽ മണിക്കൂറിൽ 40 മുതൽ 50 കിലോമീറ്റർവരെ വേഗതയിൽ കാറ്റിന് സാദ്ധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.

അപകടം ശ്രദ്ധയിൽപ്പെട്ടാൽ :

കെ.എസ്.ഇ.ബി: 1912

ദുരന്തനിവാരണഅതോട്ടി: 1077