ഒരു മാസത്തെ നിരക്ക് 599 രൂപ; വീട്ടിലെ ടിവി ഇനി കമ്പ്യൂട്ടറായി ഉപയോഗിക്കാം
കൊച്ചി: സാങ്കേതികവിദ്യയില്‍ വിപ്‌ളവകരമായ മാറ്റം വരുത്തുന്ന ക്‌ളൗഡ് അധിഷ്ഠിത വെര്‍ച്വല്‍ ഡെസ്‌ക്ടോപ്പ് പ്‌ളാറ്റ്‌ഫോമായ ജിയോ പി.സി റിലയന്‍സ് ജിയോ വിപണിയില്‍ അവതരിപ്പിച്ചു. ഉപഭോക്താക്കള്‍ക്ക് ടെലിവിഷനുകള്‍ പേഴ്‌സണല്‍ കംപ്യൂട്ടറുകളായി ഉപയോഗിക്കാവുന്ന സെറ്റ് ടോപ്പ് ബോക്‌സുകളാണ് പ്രധാന ആകര്‍ഷണം.
നിര്‍മ്മിത ബുദ്ധിയില്‍ (എ.ഐ) അധിഷ്ഠിത, സുരക്ഷിത കംപ്യൂട്ടിംഗ് സംവിധാനമാണ് ജിയോപി.സി. എല്ലാ ഇന്ത്യന്‍ വീടുകളിലും എ.ഐ റെഡി, സുരക്ഷിത കമ്പ്യൂട്ടിംഗ് എത്തിക്കുന്ന വിപ്ലവകരമായ ക്ലൗഡ് അധിഷ്ഠിത വെര്‍ച്വല്‍ ഡെസ്‌ക്ടോപ്പ് പ്ലാറ്റ്‌ഫോമാണിത്. സീറോ മെയിന്റനന്‍സ് സൗകര്യത്തോടെ എത്തുന്ന ജിയോപി.സി ഇന്ത്യയുടെ ഡിജിറ്റല്‍ യാത്രയില്‍ വിപ്ലവം സൃഷ്ടിക്കും. 50,000 രൂപ മൂല്യമുള്ള ഒരു ഹൈ എന്‍ഡ് പി.സിയുടെ എല്ലാവിധ പെര്‍ഫോമന്‍സും ഫീച്ചേഴ്സും പ്രത്യേക നിക്ഷേപമൊന്നുമില്ലാതെ ലഭ്യമാകും.
പ്രതിമാസം 599 രൂപ മുതലുള്ള പ്‌ളാനുകള്‍
ജി.എസ്.ടി ഒഴികെ പ്രതിമാസം 599 രൂപ മുതലുള്ള നിരക്കില്‍ ലഭ്യമാകുന്ന ജിയോപി.സിക്ക് ലോക്ക് ഇന്‍ പിരിയഡ് ഇല്ല. പ്രതിവര്‍ഷ നിരക്ക് 4,599 രൂപയും ജി.എസ്.ടിയുമാണ്. ഏത് സ്‌ക്രീനിനെയും വില കൂടിയ ഹാര്‍ഡ് വെയറോ മറ്റ് അപ്ഗ്രേഡുകളോ ഇല്ലാതെ പൂര്‍ണ കംപ്യൂട്ടറായി മാറ്റാനാകും.
പ്രധാന ഫീച്ചറുകള്‍
വേഗതയേറിയതും തടസമില്ലാത്തതുമായ തല്‍ക്ഷണ ബൂട്ട്-അപ്പ്
വൈറസുകള്‍, മാല്‍വെയര്‍, നെറ്റ്വര്‍ക്ക്-ലെവല്‍ പരിരക്ഷ
കീബോര്‍ഡ്, മൗസ് എന്നിവ ഉപയോഗിച്ച് ജിയോ സെറ്റ്-ടോപ്പ് ബോക്സ് ആക്‌സസ് ചെയ്യാം
മെയിന്റന്‍സ് ആവശ്യമില്ല