ഐ ആം ഗെയിം വീണ്ടും തലസ്ഥാനത്ത്

ഈ മാസം അവസാനം കൊച്ചി ഷെഡ്യൂളിൽ

ദുൽഖർ ജോയിൻ ചെയ്യും

ദുൽഖർ സൽമാൻ നായകനായി നഹാസ് ഹിദായത്ത് സംവിധാനം ചെയ്യുന്ന ഐ ആം ഗെയിം കാര്യവട്ടം ഗ്രീൻഫീൽഡ് സ്റ്റേഡിയത്തിൽ പുരോഗമിക്കുന്നു. ആഗസ്റ്റ് 7ന് ഷെഡ്യൂൾ പാക്കപ്പ് ആകും. ഈ മാസം അവസാനം ആരംഭിക്കുന്ന കൊച്ചി ഷെഡ്യൂളിൽ ദുൽഖർ സൽമാൻ ജോയിൻ ചെയ്യും. ഐ ആം ഗെയിമിൽ ദുൽഖർ ഇതുവരെ ജോയിൻ ചെയ്തില്ല. തമിഴ് നടി സംയുക്ത വിശ്വനാഥൻ ആണ് നായിക.തിരുവനന്തപുരത്ത് ചിത്രീകരണത്തിന് തുടക്കം കുറച്ച ഐ ആം ഗെയിന്റെ കഴിഞ്ഞ ഷെഡ്യൂൾ ഹൈദരാബാദിൽ ആയിരുന്നു.

ദുൽഖർ സൽമാന്റെ നാല്പതാം ചിത്രമായി ഒരുക്കുന്ന "ഐ ആം ഗെയിം" ൽ ആന്റണി വർഗീസ്, തമിഴ് നടനും സംവിധായകനുമായ മിഷ്കിൻ, കതിർ, പാർത്ഥ് തിവാരി എന്നിവരാണ് മറ്റ് താരങ്ങൾ. ആർഡിഎക്സ് എന്ന സൂപ്പർ ഹിറ്റ് ചിത്രത്തിന് ശേഷം നഹാസ് സംവിധാനം ചെയ്യുന്ന ചിത്രമാണ് "ഐ ആം ഗെയിം". കബാലി, കെജിഎഫ് സീരിസ്, കൈതി, വിക്രം, ലിയോ, സലാർ എന്നീ പാൻ ഇന്ത്യൻ ചിത്രങ്ങളുടെ സംഘട്ടന സംവിധാനം നിർവഹിച്ച അൻപറിവ്‌ "ആർഡിഎക്സിനുശേഷം നഹാസ് ഹിദായത്തുമായി കൈകോർക്കുന്ന ചിത്രം കൂടിയാണ്. വേഫെറർ ഫിലിംസിന്റെ ബാനറിൽ ദുൽഖർ സൽമാൻ ആണ് ബിഗ് ബഡ്ജറ്റ് ആക്ഷൻ ത്രില്ലർ ചിത്രം നിർമ്മിക്കുന്നത്. സജീർ ബാബ, ഇസ്മായിൽ അബൂബക്കർ, ബിലാൽ മൊയ്തു എന്നിവർ തിരക്കഥ രചിച്ച ചിത്രത്തിന്റെ സംഭാഷണം ഒരുക്കുന്നത് ആദർശ് സുകുമാരനും ഷഹബാസ് റഷീദുമാണ്.ഛായാഗ്രഹണം- ജിംഷി ഖാലിദ്, സംഗീതം- ജേക്സ് ബിജോയ്, എഡിറ്റിംഗ്- ചമൻ ചാക്കോ, പ്രൊഡക്ഷൻ ഡിസൈനർ- അജയൻ ചാലിശ്ശേരി, മേക്കപ്പ് - റോണക്സ് സേവ്യർ. കോസ്റ്റ്യൂം- മഷർ ഹംസ, പ്രൊഡക്ഷൻ കൺട്രോളർ- ദീപക് പരമേശ്വരൻ, അസോസിയേറ്റ് ഡയറക്ടർ- രോഹിത് ചന്ദ്രശേഖർ. ഗാനരചന- മനു മഞ്ജിത്ത്, വിനായക് ശശികുമാർ .