യു.എസിൽ വിമാനം ആകാശച്ചുഴിയിൽപ്പെട്ട് 25 പേർക്ക് പരിക്ക്

വാഷിംഗ്ടൺ: യു.എസിൽ വിമാനം ആകാശച്ചുഴിയിൽപ്പെട്ട് 25 യാത്രക്കാർക്ക് പരിക്കേ​റ്റു. പ്രാദേശിക സമയം, ബുധനാഴ്ച രാത്രി യൂട്ടയിലെ സാൾട്ട്‌ ലേക്ക് സി​റ്റിയിൽ നിന്ന് ആംസ്‌​റ്റർഡാമിലേക്ക് പുറപ്പെട്ട ഡെൽ​റ്റ എയർലൈൻസ് വിമാനത്തിലായിരുന്നു സംഭവം. തുടർന്ന് വിമാനം മിനിയപൊലിസിലെ സെന്റ് പോൾ അന്താരാഷ്ട്ര വിമാനത്താവളത്തിൽ അടിയന്തര ലാൻഡിംഗ് നടത്തി. ആരുടെയും പരിക്ക് ഗുരുതരമല്ലെന്നാണ് വിവരം. 275 യാത്രക്കാരും 13 ജീവനക്കാരുമാണ് വിമാനത്തിലുണ്ടായിരുന്നത്.