കോൺഗ്രസ്സ് പ്രവർത്തകർ റോഡ് ഉപരോധിച്ചു

Monday 11 August 2025 8:25 PM IST

മാഹി:രാഹുൽ ഗാന്ധിയെ അറസ്റ്റ് ചെയ്തതിൽ പ്രതിഷേധിച്ച് മാഹി മേഖല യൂത്ത് കോൺഗ്രസ് കമ്മിറ്റിയുടെ നേതൃത്വത്തിൽ മാഹി ടൗണിൽ പ്രതിഷേധ പ്രകടനവും ദേശീയപാത ഉപരോധവും നടത്തി.മാഹി ബ്ലോക്ക് കോൺഗ്രസ് പ്രസിഡന്റ് കെ.മോഹനൻ , കോൺഗ്രസ് ജനറൽ സെക്രട്ടറി സത്യൻ കേളോത്ത് സംസാരിച്ചു. യൂത്ത് കോൺഗ്രസ് പ്രസിഡന്റ് കെ.പി.രജിലേഷ്, വൈസ് പ്രസിഡന്റ് മുഹമ്മദ് സർഫാസ്,സംസ്ഥാന ജനറൽ സെക്രട്ടറിമാരായ എം.കെ.ശ്രീജേഷ് , അലി അക്ബർ ഹാഷിം മാഹി ബ്ലോക്ക് കോൺഗ്രസ് സെക്രട്ടറിമാരായ അജയൻ പൂഴിയിൽ, ശ്യംജിത്ത് പാറക്കൽ, കോൺഗ്രസ് നേതാക്കളായ ശ്രീജേഷ് വളവിൽ , ജിജോ, അനൂപ് ,പ്രേംജിത്ത് ബാബു ,കെ.വി.സന്ദീപ് എന്നിവർ നേതൃത്വം നൽകി