ഒരു തുള്ളി എണ്ണ പോലും വേണ്ട, മിനിട്ടുകൾക്കുള്ളിൽ കുക്കറിൽ പപ്പടം റെഡി

മലയാളികൾക്ക് മാറ്റിനിർത്താൻ കഴിയാത്ത ഒന്നാണ് പപ്പടം. ചോറിനൊപ്പവും ബിരിയാണിക്കൊപ്പവും നാം പപ്പടം കഴിക്കാറുണ്ട്. വെറുതെ എടുത്ത് പപ്പടം കഴിക്കുന്നവരും നിരവധിയാണ്. ചൂടുള്ള എണ്ണയിൽ വറുത്ത് എടുക്കുന്ന പപ്പടം കൊളസ്ട്രോൾ രോഗികൾക്ക് അധികം കഴിക്കാൻ കഴിയില്ല. എന്നാൽ എണ്ണ ഉപയോഗിക്കാതെയും എളുപ്പത്തിൽ പപ്പടം പെരിച്ചെടുക്കാൻ കഴിയും.

ഇതിനായി ഒരു കുക്കർ മാത്രം മതി. അത് എങ്ങനെയെന്ന് നോക്കിയാലോ? ഇതിനായി ആദ്യം കുക്കർ അടുപ്പിൽ വച്ച് ചൂടാക്കുക. ശേഷം പപ്പടം ചെറുതായി കീറി കുക്കറിൽ ഇടുക. എന്നിട്ട് ഇവ തവികൊണ്ട് പാകമാവുന്നത് വരെ ഇളക്കാം. മിനിട്ടുകൾക്കുള്ളിൽ പപ്പടം ചൂടായി വരുന്നത് കാണാം. എണ്ണ അമിതമായി ഉപയോഗിക്കാത്തതിനാൽ കൊളസ്ട്രോൾ രോഗികൾക്കും ഇത് കഴിക്കാം.