മണ്ണഞ്ചേരി ഖാദികേന്ദ്രം വികസനപാതയിൽ

ആലപ്പുഴ: നൂൽനൂൽപ്പ് യൂണിറ്റിൽ നിന്ന് ഖാദി തുണിത്തരങ്ങളുടെ ഉത്പാദനത്തിലേക്ക് ഉയർന്ന് മണ്ണഞ്ചേരി ഖാദി കേന്ദ്രം . ജില്ലാ പഞ്ചായത്തിന്റെ നേതൃത്വത്തിൽ പ്രവ‌‌ർത്തിക്കുന്ന ഇവിടെ ദിവസേന ശരാശരി 15മീറ്റർ ഖാദി തുണിത്തരങ്ങളും 192കഴി നൂലും ഉത്പാദിപ്പിക്കുന്നുണ്ട്. ജില്ലാ ഖാദി സെന്ററിലേക്ക് നൽകുന്ന ഇവ അവിടെ നിന്ന് വസ്ത്രങ്ങളാക്കി മാറ്റി വില്പന നടത്തും. ഒരു മീറ്റർ ഖാദി തുണിക്ക് 56 രൂപയോളമായാണ് നിലവിൽ വിപണിവില .

ആര്യാട് ഡിവിഷനിൽ മണ്ണഞ്ചേരി പഞ്ചായത്ത് 22-ാം വാർഡിലാണ് ഖാദി കേന്ദ്രം. 1985ൽ ഒരു നൂൽനൂൽപ്പ് യൂണിറ്റായി തുടങ്ങിയ കേന്ദ്രത്തിൽ ഈ വർഷം മാർച്ച് 14നാണ് നെയ്ത്ത് യൂണിറ്റ് ആരംഭിച്ചത്. നിലവിൽ ഒരു ഇൻസ്ട്രക്ടർ, അഞ്ച് നെയ്ത്ത് തൊഴിലാളികൾ, എട്ട് നൂൽനൂൽപ്പ് തൊഴിലാളികൾ എന്നിങ്ങനെ 14 പേർ ഇവിടെ ജോലി ചെയ്യുന്നുണ്ട്.

നെയ്ത്ത് യൂണിറ്റ് തുടങ്ങി

 രണ്ട് ഘട്ടങ്ങളായാണ് ബാദി യൂണിറ്റിന്റെ വികസന പദ്ധതി ജില്ലാ പഞ്ചായത്ത് നടപ്പാക്കുന്നത്

 ആദ്യഘട്ടത്തിൽ 7 തറികൾ അനുവദിക്കുകയും നെയ്ത്തുകാർക്ക് പരിശീലനം നൽകുകയും ചെയ്തു.

 2023-24 വാർഷികപദ്ധതിയിൽ ഉൾപ്പെടുത്തി 5ലക്ഷം രൂപ ചെലവിൽ 5നൂൽനൂൽപ്പ് യന്ത്രങ്ങൾ നൽകി

 രണ്ട് യന്ത്രങ്ങൾ കൂടി ഇതിന്റെ ഭാഗമായി നൽകും. രണ്ടാംഘട്ടത്തിൽ 5 യന്ത്രങ്ങൾ നൽകാനാണ് ലക്ഷ്യം

തൊഴിലാളികൾ

14

പുതിയ തറികൾ കൂടി അനുവദിച്ച് 50 പേർക്ക് ജോലി ലഭിക്കുന്ന കേന്ദ്രമാക്കി സെന്ററിനെ മാറ്റാനുള്ള ശ്രമത്തിലാണ്

- അഡ്വ.ആർറിയാസ്, ജില്ലാപഞ്ചായത്തംഗം