യുവാവിന് ക്രൂരമർദ്ദനം: പ്രതികൾ അറസ്റ്റിൽ

കൊച്ചി: വാഹനപാർക്കിംഗുമായി ബന്ധപ്പെട്ട തർക്കത്തിൽ യുവാവിനെ ക്രൂരമായി മർദ്ദിച്ച് പരി​ക്കേൽപ്പിച്ച കേസിൽ പ്രതികൾ അറസ്റ്റിൽ. വൈറ്റില ചളിക്കവട്ടം സ്വദേശി മനീഷ്‌കുമാർ (34), പൊന്നുരുന്നി സ്വദേശി സുജിത്ത് (42) എന്നിവരാണ് പാലാരിവട്ടം പൊലീസിന്റെ പിടിയിലായത്.

വൈറ്റില പൊന്നുരുന്നി ഭാഗത്ത് 17ന് രാത്രിയായിരുന്നു ആക്രമണം. യുവാവിന്റെ സുഹൃത്ത് കുടുംബത്തോടൊപ്പം വന്ന ഓട്ടോ റോഡരി​കിൽ പാർക്ക് ചെയ്തതിനെ മദ്യലഹരിയിൽ പ്രതികൾ ചോദ്യംചെയ്തു. സംഭവത്തിൽ ഇടപെട്ട യുവാവിനെ പ്രതികൾ ചേർന്ന് മർദ്ദിച്ചതായി പൊലീസ് പറഞ്ഞു. ആക്രമണത്തിൽ യുവാവിന്റെ മൂക്കിന്റെ പാലം പൊട്ടുകയും പല്ലി​ളകി തെറിക്കുകയും ചെയ്തു. തുട‌‌ർന്ന് ആശുപത്രിയിൽ ചികിത്സയിലായിരുന്നു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.