മോഹൻലാലിന്റെ നായികയെ മനസിലായോ? പുതിയ ഫോട്ടോഷൂട്ട് ചിത്രങ്ങൾ കണ്ട് അമ്പരന്ന് ആരാധകർ

കുറച്ച് സിനിമകളെ ചെയ്തിട്ടുള്ളൂവെങ്കിലും ഇന്നും ജനമനസിൽ മായാതെ നിൽക്കുന്ന നിരവധി താരങ്ങൾ ഉണ്ട്. അത്തരത്തിൽ മോഹൻലാൽ നായകനായി പുറത്തിറങ്ങിയ ഹലോ സിനിമയിലെ നായികയെ മലയാളികൾക്ക് അത്രവേഗം മറക്കാൻ സാധിക്കില്ല. പറഞ്ഞുവരുന്നത് പാർവതി​ മി​ൽട്ടനെ കുറിച്ചാണ്. നടിയുടെ പുതിയ ഫോട്ടോഷൂട്ടാണ് ഇപ്പോൾ സോഷ്യൽ മീഡിയയിലെ പ്രധാന ചർച്ചാവിഷയം.

ബോഡി ആർട്ട് ചെയ്താണ് പാർവതി ആരാധകരെ ഞെട്ടിച്ചിരിക്കുന്നത്. താരത്തിന്റെ പോസ്റ്റിൽ കമന്റുമായി മലയാളികളും എത്തിയിട്ടുണ്ട്. മോഹൻലാലി​ന്റെ നായി​കയായി​ എത്തി​യ പാർവതി​ തന്നെയാണോ ഇതെന്ന് ആരാധകർ ചോദി​ക്കുന്നു. താരത്തെ പ്രശംസിച്ചുകൊണ്ട് നിരവധി പേരാണ് കമന്റ് ചെയ്തിരിക്കുന്നത്. അതിജീവനത്തിന്റെ പ്രതിരൂപം എന്ന ക്യാപ്ഷനിൽ കിന്റ്സുഗി എന്ന ജാപ്പനീസ് കലയെ ഓർമ്മിപ്പിച്ചുകൊണ്ടാണ് ഇത് അവതരിപ്പിച്ചിരിക്കുന്നത്. തകർന്ന മൺപാത്രങ്ങൾ സ്വർണ നൂലിഴകൾ ഉപയോഗിച്ച് വീണ്ടും കൂട്ടിച്ചേർത്ത് നഷ്ടങ്ങളെ വിലയേറിയ ഒന്നാക്കി മാറ്റുന്നതുപോലെ ഇതൊരു അതിജീവനത്തിന്റെ പ്രതിരൂപം ആണെന്നും പാർവതി ഇൻസ്റ്റഗ്രാമിൽ കുറിച്ചിട്ടുണ്ട്.

വെണ്ണല എന്ന തെലുങ്ക് ചി​ത്രത്തി​ലൂടെയാണ് പാർവതി​യുടെ അരങ്ങേറ്റം. മോഹൻലാൽ നായകനായ ഫ്ളാഷ് എന്ന ചി​ത്രത്തി​ൽ അതി​ഥി​ വേഷത്തി​ലും ​ അഭി​നയി​ച്ചി​ട്ടുണ്ട്. മലയാളത്തി​ൽ രണ്ടു ചി​ത്രങ്ങളി​ൽ മാത്രമാണ് പാർവതി​ അഭി​നയി​ച്ചത്. തെലുങ്കി​ൽ നി​രവധി​ ചി​ത്രങ്ങളി​ലാണ് അഭി​നയി​ച്ചിട്ടുണ്ട്. മോഡലിംഗ് രംഗത്താണ് പാർവതി​ ഇപ്പോൾ കൂടുതൽ ശ്രദ്ധി​ക്കുന്നത്. അമേരി​ക്കയി​ലെ ന്യൂജഴ്സി​യി​ൽ ജനി​ച്ചുവളർന്ന പാർവതി​യുടെ അച്ഛൻ സാം മി​ൽട്ടൻ ജർമ്മൻകാരനും അമ്മ പ്രീതി​ സിംഗ് പഞ്ചാബി​യുമാണ്. 2013ൽ മുംബയ് സ്വദേശി ഷംസു ലനാനിയെ പാർവതി വിവാഹം ചെയ്തു. കാലിഫോർണിയയിലാണ് താമസം.