കാപ്പ ചുമത്തി ജയിലിലടച്ചു
Friday 29 August 2025 12:45 AM IST
അമ്പലപ്പുഴ: നിരവധി ക്രിമനൽ കേസിൽ പ്രതിയായ പുന്നപ്ര വടക്ക് പഞ്ചായത്ത് 12 -ാം വാർഡിൽ വാടക്കൽ മുറിയിൽ തൈപ്പറമ്പ് വീട്ടിൽ പത്രോസ് ജോണിനെ (അപ്പാപ്പൻ പത്രോസ് )കാപ്പാ ചുമത്തി കരുതൽ തടങ്കലിൽ വിട്ടു. പുന്നപ്ര, അമ്പലപ്പുഴ, നെടുമുടി, ആലപ്പുഴ സൗത്ത് , ആലപ്പുഴ നോർത്ത് എന്നീ പൊലീസ് സ്റ്റേഷനുകളുടെ അധികാര പരിധിയിൽ നിരവധി വകുപ്പുകൾ പ്രകാരമുള്ള കുറ്റകൃത്യങ്ങളിൽ ഏർപ്പെട്ടിരുന്ന പത്രോസിനെ ജില്ലാ പൊലീസ് മേധാവിയുടെ റിപ്പോർട്ടിന്റെ അടിസ്ഥാനത്തിൽ ജില്ലാ കളക്ടറുടെ ഉത്തരവ് പ്രകാരമാണ് ജയിലിൽ അടച്ചത്.