ഈ നക്ഷത്രക്കാർ സൂക്ഷിക്കണം, സ്ത്രീകൾ മൂലം അപമാനമുണ്ടായേക്കാം; ഇന്നറിയാം നിങ്ങളുടെ നാളെ

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com.

2025 ആഗസ്റ്റ് 31 - ചിങ്ങം 15 ഞായറാഴ്ച ( പുലർന്ന ശേഷം 5 മണി 26 മിനിറ്റ് 41 സെക്കൻഡ് വരെ അനിഴം നക്ഷത്രം ശേഷം കേട്ട നക്ഷത്രം ).

അശ്വതി: സഹോദര സ്ഥാനീയരും, സന്താനങ്ങളും ശത്രുക്കളെപ്പോലെ പെരുമാറും. ഉന്നതരിൽ‍ നിന്നും വിഷമകരമായ പ്രവർത്തികൾ ഉണ്ടാകും, അമിതമായ ആത്മവിശ്വാസം ആപത്ത് വരുത്തും, സാമ്പത്തിക പ്രശ്നങ്ങളുണ്ടാകും, അനിയന്ത്രിതമായ ചെലവുകൾ വിഷമിപ്പിക്കും.

ഭരണി: കുടുംബത്തിൽ അഭിപ്രായ വ്യത്യാസം ഉണ്ടാകാതെ സൂക്ഷിക്കണം. സ്ത്രീകളെ വിശ്വസിക്കരുത്, മനഃസമാധാനം നഷ്ടപെടും, ധനനഷ്ടം, കോപം നിയന്ത്രിക്കണം, രോഗങ്ങൾകൊണ്ടുള്ള ധന ചെലവ്, ദാമ്പത്യസുഖക്കുറവ്, ശത്രുദോഷം.

കാർത്തിക: അഹംഭാവവും, നിന്ദാശീലവും ഒഴിവാക്കണം. എല്ലാകാര്യത്തിലുമുള്ള ആവേശം കുറയ്ക്കുക, ദാനകർമ്മങ്ങൾ നടത്തും, ഉല്ലാസവാനായി കാണപ്പെടും, നല്ല ശുഭാപ്തി വിശ്വാസം ഉണ്ടാകും.

രോഹിണി: അസാദ്ധ്യമെന്നു കരുതി മറ്റുള്ളവർ കളയുന്ന പ്രവർത്തി​ ​വിജയത്തിലെത്തിക്കും, തൊഴിൽ മേഖല ഉഷാറാകും, മുമ്പ് ഉണ്ടായിരുന്നതിനേക്കാൾ സമാധാനവും സന്തോഷവും അനുഭവപ്പെടും, എല്ലാവരിൽ നിന്നും സഹായ സഹകരണങ്ങൾ, മറ്റുള്ളവരോട് പ്രീതികരമായ രീതിയില്‍ പെരുമാറും.

മകയിരം: ജീവിത പങ്കാളിയുടെ ആരോഗ്യത്തിലും ആയുസിലും പ്രത്യേകം ശ്രദ്ധ വേണം. കുടുംബ സുഖം, പങ്കാളിയുടെ ഇഷ്ടങ്ങൾ അറിഞ്ഞു പ്രവർത്തിക്കും, സ്ത്രീകൾ മുഖേനെ സന്തോഷം, അപ്രതീക്ഷിതമായി ഭാഗ്യം കടാക്ഷിക്കും, ഭാര്യാഗുണം, ധനാഗമനത്തിനു അനുകൂലമായ സാഹചര്യങ്ങൾ.

തിരുവാതിര: ഗുരു കാരണവന്മാരുടെയും ഗുരുനാഥന്മാരുടെയും അനുഗ്രഹവും ആശീർവാദവും ഏറ്റുവാങ്ങി മുന്നോട്ടു പോകും. പ്രർത്ഥനയ്‌‌‌ക്ക് ഫലം കിട്ടും, നഷ്ടപെട്ടെന്നു കരുതിയ രേഖകൾ തിരികെ ലഭിക്കും, സർർക്കാരിൽ നിന്നും അനുകൂലമായ നടപടി, യാത്ര കൊണ്ട് ഗുണം, സഹായത്തിനായി സമീപിക്കുന്നവരെ നിരാശപ്പെടുത്തില്ല.

പുണർതം: വിശിഷ്ട വ്യക്തികളുമായി സമ്പർക്കമുണ്ടാക്കി നേട്ടങ്ങൾ കൊയ്യും. സുഖാനുഭവങ്ങൾ‍, ദീർഘദൂര യാത്ര മൂലം ധനലാഭം, വിദേശത്ത് ജോലി ചെയ്യുന്നവർക്ക് നല്ലസമയം, ബുദ്ധിപരമായി കാര്യങ്ങൾ നീക്കും, ജോലി ഭാരം അധികരിക്കും, ഉദ്ദേശസാഫല്യം കിട്ടും, ബിസിനിൽ നേട്ടം.

പൂയം: കലാസാംസ്കാരിക രംഗത്തുള്ളവർക്ക് പ്രശസ്തിയും പുതിയ അവസരങ്ങളും ലഭിക്കും. വ്യാപാര സംരംഭത്തിൽ കൂടി നേട്ടം ഉണ്ടാകും, ജനപ്രീതിയും അംഗീകാരവും, ഔദ്യോഗിക രംഗത്ത് ഉന്നതിയുമുണ്ടാകും, അന്യരെ സഹായിക്കാനുള്ള മനസുണ്ടാകും, സാംസ്കാര സമ്പന്നമായി പെരുമാറും.

ആയില്യം: വ്യവസ്ഥകൾക്ക് വിധേയമായി പ്രവർത്തി മണ്ഡലങ്ങൾക്ക് തുടക്കം കുറിക്കും, പങ്കാളി മൂലം സുഖവും സമാധാനവും, കുടുംബത്തിൽ സമാധാനം, അനുകൂലമായ വിവാഹബന്ധം കിട്ടും, മംഗള കർമ്മങ്ങൾക്ക് സാക്ഷിയാകും, ഉല്ലാസകരമായ അനുഭവങ്ങൾ വന്നു ഭവിക്കും.

മകം: കൃത്യനിഷ്ട പാലിക്കാൻ പരമാവധി ശ്രമിക്കണം, എഴുത്തുകുത്തുകൾ സൂക്ഷിക്കണം, ധനത്തിന്റെ കാര്യത്തിൽ ബുദ്ധിമുട്ടില്ല, രോഗശാന്തി, കുടുംബാംഗങ്ങൾ വിപരീതമായി സംസാരിക്കും, സുഹൃത്തുക്കളുടെ കെണിയിൽ വീഴാതെ നോക്കണം.

പൂരം: കുടുംബ പ്രശ്‌നങ്ങൾ പരിഹരിക്കണം. വിശ്വാസ വഞ്ചനയ്ക്ക് അകപ്പെടരുത്. പരാശ്രയശീലം, വിഷയാസക്തി, ആരോടും ശത്രുത, മറ്റുള്ളവരുടെ രഹസ്യങ്ങൾ സൂക്ഷിക്കുന്നത് പിന്നീട് വിനയാകും, ധനചെലവ്, ദൂരയാത്രാക്ലേശം. കുടുംബ ബന്ധങ്ങളില്‍ ശത്രുത വര്‍ദ്ധിക്കും, ഔദ്യോഗിക രംഗത്ത് സ്ഥാനമാറ്റം.

ഉത്രം: ശത്രുക്കളുടെ പ്രവർത്തനം​​ സസൂക്ഷ്മം ശ്രദ്ധിക്കുക. ഏറ്റെടുക്കുന്ന കർമ്മങ്ങൾ പൂർത്തീകരിക്കാൻ പ്രയാസപ്പെടും, ബാങ്ക്, ഇൻഷുറൻസ് എന്നീ മേഖലയിലുള്ളവർ കരുതലോടെ പ്രവർത്തിക്കുക. സ്ത്രീകൾക്ക് ക്ഷമ ഇല്ലായ്മയും പൗരുഷവും കൂടിയിരിക്കും, സഞ്ചാരപ്രിയരായിരിക്കും സ്ത്രീകളിൽ കാണിക്കുന്ന അതിയായ താല്പര്യം മനഃപ്രയാസം ഉണ്ടാക്കും.

അത്തം: അനാവശ്യമായി പണം ചെലവാകും. കടങ്ങൾ പ്രശ്നങ്ങൾക്ക് കാരണമാകും, ശത്രുക്കൾ വർദ്ധിക്കും. സ്ത്രീകളെ വിശ്വാസപൂർവ്വം ഒന്നും ഏല്പിക്കരുത്, സമയത്തിനു ആഹാരം കഴിക്കാൻ സാധിക്കാത്ത രീതിയില്‍ പ്രശ്നങ്ങൾ, ആഗ്രഹത്തിന് വിപരീതമായി കുടുംബാംഗങ്ങൾ പെരുമാറും, ദാമ്പത്യ സുഖക്കുറവനുഭപ്പെടും. ചിത്തിര: മറ്റുള്ളവരുടെ കാര്യങ്ങളിൽ അനാവശ്യമായി ഇടപെട്ടു കുഴപ്പങ്ങൾ വരുത്തിവയ്ക്കും. സ്ത്രീകൾ‍ മുഖേനെ ചതിയും അപമാനവും, പണം കടം വാങ്ങിക്കേണ്ടി വരും, ഉദ്യോഗസ്ഥർക്ക് ജോലിക്കൂടുതൽ, പ്രയാസങ്ങൾ, കുടുംബകലഹം, സാമ്പത്തിക പ്രശ്നങ്ങൾ രൂക്ഷമാകും, സഹോദരിൽ നിന്നും പ്രയാസങ്ങൾ.

ചോതി: സുഹൃത്തുക്കളുടെ നിർബന്ധത്തിനു വഴങ്ങി അരുതാത്തത് പ്രവർത്തിക്കരുത്‌, വൈകുന്നേരങ്ങളിൽ അപരിചിതരുമായി പാർട്ടി കൂടരുത്, അസമയത്തുള്ള യാത്രയും മറ്റും ഒഴിവാക്കുക, ജാമ്യം നിൽക്കുന്നത് മൂലം വിഷമതകൾ, വാക്കുതർക്കം, വ്യവഹാരത്തിൽ പരാജയ ഭീതി.

വിശാഖം: സഹായിക്കാമെന്നു ഏറ്റിരുന്നവർ വാക്ക് മാറ്റിപ്പറയും, സ്ത്രീകള്‍ സൗഭാഗ്യവതികളും ഈശ്വര വിശ്വാസികളും ആയിരിക്കും. ആത്മീയ ചിന്താഗതികൾ ഉണ്ടാകും, മറ്റുള്ളവരെ വശീകരിക്കാനും കാര്യങ്ങൾ അനുകൂലമാക്കാനും പെട്ടെന്ന് സാധിക്കും, സന്തോഷപ്രദമായ സമയം, ഉല്ലാസ യാത്രകൾ‍ നടത്തും. ചെലവിനേക്കാൾ വരവ് അധികരിക്കും.

അനിഴം: ദൂരയാത്രകള്‍ ഫലപ്രദമാകും, സന്താനങ്ങൾക്ക് പേരും പെരുമയും വർദ്ധിക്കും. സ്ത്രീകള്‍ക്ക് ആഭരണംവസ്ത്രാദിലാഭം. മന:പ്രയാസങ്ങള്‍ക്ക് കുറവനുഭപ്പെടും, ധനപ്രാപ്തി, ശത്രുജയം, വിദേശജോലി, കുടുംബത്തില്‍ സമാധാനം,‍ വിദ്യാർത്ഥികൾക്ക് പൊതുവേ നല്ല സമയം. സഹപ്രവർത്തകർക്ക് അസൂയ തോന്നുന്ന കാര്യങ്ങൾ സംഭവിക്കും.

കേട്ട: കുടുംബത്തിലെ അസ്വസ്ഥതകൾ കുറയ്ക്കാൻ സാധിക്കും, എതിരാളികളുടെ വിമർശനത്തെ മറികടക്കാനാകും, പ്രതീക്ഷിച്ചിരിക്കുന്ന അംഗീകാരം കിട്ടും, ധനലാഭം, പ്രയാസം എന്ന് കരുതിയ സംഗതികൾ നിഷ്പ്രയാസം സാധിക്കും, ഇതുവരെ ഉണ്ടായിരുന്ന സാമ്പത്തിക പ്രയാസങ്ങൾക്ക് കുറവ് വരാം, വാക്സാമാർത്ഥ്യം കാണിക്കും.

മൂലം: വശ്യമായി സംസാരിക്കും.അന്യരുടെ വാക്കുകൾ കേട്ട് എടുത്തുചാടി ഒന്നും തീരുമാനിക്കുകയോ പ്രവർത്തിക്കുകയോ ചെയരുത്. അനുകൂലമായ സന്ദേശങ്ങൾ ലഭിക്കും, സന്താന ഗുണം, ക്രയവിക്രയങ്ങള്‍ നടത്തും, രോഗങ്ങള്‍ക്ക് ശാന്തി കിട്ടും, എഴുത്തുകാർക്ക് പേരും പെരുമയും കിട്ടും. സ്വന്തം കഴിവിലുള്ള വിശ്വാസം ഉയർച്ച നേടിത്തരും.

പൂരാടം: ക്ഷമയും അശ്രാന്ത പരിശ്രമവും കൊണ്ടേ ഉന്നതനില കൈവരിക്കൂ, ആത്മാർഥമായി പെരുമാറും, ധനത്തിനായി അന്യരെ ആശ്രയിക്കേണ്ടി വരുന്ന അവസ്ഥ വരും, ആത്മവിശ്വാസം പ്രകടിപ്പിക്കും,‍ വ്യവഹാരങ്ങളിൽ വിജയം, പരിശ്രമങ്ങൾ വിജയിക്കും, ധനലാഭം, ജോലിസ്ഥലത്ത് അനുകൂലമായ മാറ്റം, വിദ്യാര്‍ഥികള്‍ക്ക് പരീക്ഷാ വിജയം.

ഉത്രാടം: തൊഴിൽ മേഖലയിൽ മേന്മ,സന്താനസുഖം,മനസിലിരുപ്പ് മറ്റുള്ളവര്‍ അറിയാതെ പ്രവർത്തി ക്കാനുള്ള കഴിവുണ്ടാകും. ആഗ്രഹങ്ങൾ നിറവേറും, ദാമ്പത്യം സമധാനപൂരർണ്ണം, ആരോഗ്യം മെച്ചപ്പെടും, കലാകാരന്മാര്‍ക്ക് പുതിയ അവസരങ്ങള്‍, ആഢംബര വസ്തുക്കൾ സമ്മാനമായി ലഭിക്കും. ഏറ്റെടുത്ത സംഗതികള്‍ ഉത്തരവാദിത്തത്തോടെ ചെയ്തു തീര്‍ക്കും.

തിരുവോണം: കല വിദ്യാഭ്യാസം,തുടങ്ങിയ മേഖലകളില്‍ നേട്ടം, ഒരേ സമയം വിവിധ തരത്തിലുള്ള സംഗതികളില്‍ ഏര്‍പ്പെടും. ശത്രുക്കളുടെ ഉപദ്രവം കൂടും. പ്രണയ കാര്യങ്ങളില്‍ തീരുമാനം, സഹോദര സ്ഥാനത്തുള്ളവരില്‍ നിന്നും അനുകൂല നിലപാട്, മറ്റുള്ളവര്‍ക്ക് സ്വാന്തനമാകുന്ന രീതിയില്‍ സഹായങ്ങളും മറ്റും ചെയ്യും, മനസ്സുഖം കുറയും.

അവിട്ടം: കുട്ടികളുടെ വിദ്യാഭ്യാസ കാര്യങ്ങളില്‍ പുരോഗതി, സ്നേഹംനിറഞ്ഞ പെരുമാറ്റം കൊണ്ട് മറ്റുള്ളവരെ കീഴ്പെടുത്താന്‍ വിരുതുള്ളവര്‍ ആയിരിക്കും. ഗാംഭീരം പ്രകടിപ്പിക്കും, എല്ലാവരും പ്രീതികരമായ രീതിയില്‍ പെരുമാറും, ഉല്ലാസകരമായ അനുഭവങ്ങള്‍ , സ്ത്രീകള്‍ മുഖേനെ സന്തോഷം കിട്ടും.

ചതയം: യാത്രയില്‍നേട്ടം,ധനപ്രാപ്തി. ദാമ്പത്യസുഖം, പ്രവര്‍ത്തിവിജയം, സന്താനങ്ങളെക്കൊണ്ട് ഗുണം. ആത്മവിശ്വാസം വര്‍ദ്ധിക്കും. ധനാഗമത്തിനു അനുകൂലമായ സാഹചര്യങ്ങൾ, ജനപ്രീതിയും അംഗീകാരവും, ഭാഗ്യം എപ്പോഴും ഉള്ളവർ, സല്‍സന്താനയോഗം, എല്ലാവരോടും സൗമ്യമായി പെരുമാറുകയും സംസാരിക്കുകയും ചെയ്യും, നല്ല സഹകരണ മനോഭാവം ഉണ്ടാകും.

പൂരുരുട്ടാതി: ഉദ്യോഗസ്ഥലത്ത് അധികാരം പ്രകടിപ്പിക്കേണ്ടി വരും. ആരോഗ്യകാര്യങ്ങളില്‍ അതീവ ശ്രദ്ധ വേണ്ടുന്ന സമയം, ധന പരമായ കാര്യങ്ങളില്‍ വലിയ ബുദ്ധിമുട്ട് .പൊതുവേ അലസരും മടിയരും ആയിരിക്കും, പണ സംബന്ധമായി എപ്പോഴും ബുദ്ധിമുട്ടുകള്‍ അനുഭവിക്കാന്‍ ഇടവരും,കുടുംബവീട് വീതം വയ്ക്കുന്നത് സംബന്ധമായ തര്‍ക്കങ്ങൾ നടക്കും.

ഉതൃട്ടാതി: കുടുംബ സമാധാനം നശിപ്പിക്കുന്ന രീതിയിലുള്ള പ്രവര്‍ത്തനങ്ങളില്‍ നിന്നൊഴിഞ്ഞു നില്‍ക്കണം, ഗുണാനുഭവങ്ങള്‍ ധാരാളമായി ലഭിച്ചാലും അതിനിടയില്‍ സംഭവിക്കുന്ന ദുരിതങ്ങൾ അതിജീവിക്കാന്‍ പ്രയാസപ്പെടും, ഒറ്റക്കിരിക്കുന്ന അവസ്ഥ വരാതെ നോക്കണം.

രേവതി: കുടുംബങ്ങളില്‍ അസ്വാരസ്യം ഉടലെടുക്കാം അതിനാല്‍ സംസാരം നിയന്ത്രിക്കുക, സംഭാഷണത്തിനിടയ്ക്ക് പെട്ടെന്ന് പ്രകോപിതരാകും,വിഷാദം വരാതെ നോക്കണം. ജോലിനഷ്ടം സംഭവിക്കാം, കുടുംബത്തില്‍ കലഹങ്ങള്‍, സ്ത്രീകള്‍ മൂലം ദുഃഖം, താഴ്ത്തപ്പടല്‍ എന്നിവ അനുഭവത്തില്‍ വരും, ദാമ്പത്യ ജീവിതത്തിൽ വിഷമതകള്‍, അനാവശ്യമായി പണം ചെലവാകും, ശത്രു വർദ്ധനയുണ്ടാകും.