ഓണം വിപണന മേള തുടങ്ങി

വൈക്കം: താലൂക്ക് എൻ.എസ്.എസ് യൂണിയൻ, മന്നംസോഷ്യൽ സർവ്വീസ് സൊസൈ​റ്റി, വനിത യൂണിയൻ എന്നിവരുടെ നേതൃത്വത്തിൽ യൂണിയൻ ഗ്രൗണ്ടിൽ ഓണം വിപണനമേള തുടങ്ങി. താലൂക്കിലെ വനിത സമാജങ്ങളും, സ്വാശ്രയ സംഗങ്ങളും തയ്യാറാക്കിയിട്ടുളള പ്രകൃതിദത്തമായ ഉത്പന്നങ്ങളാണ്‌ മേളയിലുള്ളത്. രാവിലെ 10 മുതൽ വൈകിട്ട് 8 വരെയാണ്‌ മേള. 4ന് സമാപിക്കും. മേള യൂണിയൻ ചെയർമാൻ പി.ജി.എം. നായർ കാരിക്കോട് ഉദ്ഘാടനം ചെയ്തു. വൈസ് പ്രസിഡന്റ് പി.വേണുഗോപാൽ അദ്ധ്യക്ഷത വഹിച്ചു. സെക്രട്ടറി അഖിൽ. ആർ. നായർ, പി.എസ്.വേണുഗോപാൽ, കെ.എൽ.സജീവ്, ബി.അനിൽകുമാർ, ഗിരിജ പ്രകാശ്, ജയ രാജശേഖരൻ, കെ.അജിത്, എസ്. മുരുകേശ്, അയ്യേരിസോമൻ എന്നിവർ പ്രസംഗിച്ചു.