മത്സ്യക്കുഞ്ഞുങ്ങളെ നിക്ഷേപിച്ചു

ആലപ്പുഴ : സംസ്ഥാന ജൈവവൈവിദ്ധ്യ ബോർഡിന്റെ സാമ്പത്തിക സഹായത്തോടെ പാണ്ടനാട് ഗ്രാമപഞ്ചായത്ത് ജൈവവൈവിധ്യ പരിപാലന സമിതി നടപ്പാക്കുന്ന തനത് ഉൾനാടൻ മത്സ്യ (ഊത്ത) സംരക്ഷണ പദ്ധതിയുടെ ഭാഗമായി പമ്പാ നദിയിൽ മത്സ്യക്കുഞ്ഞുങ്ങളെ നിക്ഷേപിച്ചു. ഗ്രാമപഞ്ചായത്ത് പ്രസിഡന്റ് അമ്മാളുക്കുട്ടി സണ്ണി ഉദ്ഘാടനം നിർവഹിച്ചു. വരാൽ, കല്ലേമുട്ടി , മഞ്ഞക്കൂരി തുടങ്ങിയ നാടൻ മത്സ്യങ്ങളെയാണ് പദ്ധതിയുടെ ഭാഗമായി കൊച്ചുപുരയ്ക്കൽ , മിത്രമഠം കടവുകളിൽ നിക്ഷേപിച്ചത്. ഗ്രാമപഞ്ചായത്ത് വൈസ് പ്രസിഡന്റ് മനോജ് കുമാർ അധ്യക്ഷത വഹിച്ചു. ബി എം സി കൺവീനർ രാധാകൃഷ്ണൻ നായർ, ഗ്രാമപഞ്ചായത്ത് സെക്രട്ടറി എൽ ലത, അസിസ്റ്റന്റ് സെക്രട്ടറി ഡേവിഡ് തുടങ്ങിയവർ പങ്കെടുത്തു.