ഓണസൗഹൃദ സമ്മേളനം

ആലപ്പുഴ: മുസ്ലീം സമുദായം പൊതു സമൂഹത്തിൽ വേട്ടയാടപ്പെടുകയാണന്ന് എം.ഇ.എസ്. സംസ്ഥാന ജനറൽസെക്രട്ടറി കെ.കെ.കുഞ്ഞു മൊയ്തീൻ പറഞ്ഞു. എം. ഇ. എസ്. ആലപ്പുഴ ജില്ലാകമ്മിറ്റി സംഘടിപ്പിച്ച ഡയമണ്ട് ജൂബിലി ആഘോഷവും ഓണ സൗഹൃദ സമ്മേളനവും ഉദ്ഘാടനം ചെയ്യുകയായിരുന്നു. അദ്ദേഹം. ജില്ലാ പ്രസിഡന്റ് അഡ്വ ​എ.എ. റസാക്ക് അദ്ധ്യക്ഷത വഹിച്ചു. പ്രൊഫ നെടുമുടി ഹരികുമാർ ഓണസന്ദേശം നൽകി. പ്രൊഫ.എ.ഷാജഹാൻ, എ.എം. നസീർ , അഡ്വ. ജി. മനോജ് കുമാർ, വി.ജി വിഷ്ണു. തൈക്കൽ സത്താർ, കമാൽ മാക്കിയിൽ, നാസറുദീൻ കുഞ്ഞ്, മുഹമ്മദ് ഷഫീഖ്, മൈമൂന ഹബീബ്, ഡോ. ഫിറോസ് മുഹമ്മദ് എന്നിവർ പ്രസംഗിച്ചു.