പി.പി.തങ്കച്ചന് യാത്രാമൊഴി
പെരുമ്പാവൂർ:വ്യാഴാഴ്ച അന്തരിച്ച മുതിർന്ന കോൺഗ്രസ് നേതാവ് പി.പി.തങ്കച്ചന് ജന്മനാട് യാത്രാമൊഴിയേകി.ഇന്നലെ വൈകിട്ട് അങ്കമാലി അകപ്പറമ്പ് സാബോർ അഫ്രോത്ത് വലിയകത്തീഡ്രൽ സെമിത്തേരിയിൽ ഔദ്യോഗിക ബഹുമതികളോടെയായിരുന്നു സംസ്കാരം.മുഖ്യമന്ത്രിയും മുതിർന്ന കോൺഗ്രസ് നേതാക്കളും,മന്ത്രിമാരും അന്ത്യാഞ്ജലി അർപ്പിച്ചു.സംസ്കാരചടങ്ങിൽ യു.ഡി.എഫ് നേതാക്കളുൾപ്പെടെ ആയിരങ്ങൾ പങ്കെടുത്തു.
എ.ഐ.സി.സി സെക്രട്ടറി ദീപാ ദാസ്‌മുൻഷി,കെ.പി.സി.സി പ്രസിഡന്റ് സണ്ണി ജോസഫ്,പ്രതിപക്ഷനേതാവ് വി.ഡി.സതീശൻ,നേതാക്കളായ അടൂർ പ്രകാശ്,രമേശ് ചെന്നിത്തല,രാജ്‌മോഹൻ ഉണ്ണിത്താൻ,സി.പി.ജോൺ,കൊടിക്കുന്നിൽ സുരേഷ്,അനൂപ് ജേക്കബ്,പി.കെ.കുഞ്ഞാലിക്കുട്ടി,ഷിബു ബേബിജോൺ,പാണക്കാട് സാദിഖ് അലി ശിഹാബ് തങ്ങൾ,അനൂപ് ജേക്കബ്,കെ. രാജൻബാബു,പ്രൊഫ കെ.വി.തോമസ്,കെ.മുരളീധരൻ,ശരത്ചന്ദ്രപ്രസാദ്,ആന്റോ ആന്റണി,ഡീൻ കുര്യാക്കോസ്,വി.എസ്.വിജയരാഘവൻ,ജസ്റ്റിസ് അബ്ദുൾ റഹിം തുടങ്ങിയവർ അന്ത്യാഞ്ജലി അർപ്പിച്ചു.