പുതിയ ജോലി തേടുന്നവർക്ക് ഉടൻ ലഭിക്കും, പണം ധാരാളം കൈയിൽ വന്നുചേരും

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com.

2025 സെ‌പ്‌തംബർ 17 കന്നി 1 ബുധനാഴ്ച.

(പുലർന്ന ശേഷം 6 മണി 25 മിനിറ്റ് 38 സെക്കൻഡ് വരെ പുണർതം നക്ഷത്രം ശേഷം പൂയം നക്ഷത്രം )

അശ്വതി: നൂതന സംരംഭങ്ങൾ തുടങ്ങും. ദൈവീക ചിന്ത വർദ്ധിക്കും, സ്ത്രീകൾക്ക് നല്ല സമയം, വിദേശ യാത്രകൾ ഗുണകരമാകും, സ്ത്രീകൾക്ക് ആഭരണ, വസ്ത്രാദിലാഭം. ധനപരമായ നേട്ടങ്ങൾ ചിലതൊക്കെ ഉണ്ടാകും. പുതിയ സംരംഭങ്ങൾ തുടങ്ങുവാൻ ശ്രമിക്കും. അവിചാരിത ധനനഷ്ടങ്ങൾ ഉണ്ടാകും.

ഭരണി: അവിചാരിത തടസ്സങ്ങൾ ഉണ്ടാകും. വിദ്യാർത്ഥികൾക്ക് കഠിന പരിശ്രമം ആവശ്യമായി കാണുന്നു. ആരോഗ്യപരമായ അസ്വസ്ഥതകൾക്കു സാദ്ധ്യതയുണ്ട്. സംസാരം വളരെ നിയന്ത്രിക്കണം, ഔഷധം ഉപയോഗിക്കേണ്ടി വരും, ചോദ്യം ചെയ്യപ്പെടുന്ന അവസ്ഥകൾ ഉണ്ടാകും.

കാർത്തിക: പുതിയ പ്രവർത്തന മേഖലയിൽ പരിശ്രമങ്ങൾ നടത്തും. സുഹൃത്ത് സഹായം ലഭിക്കും. വ്യാപാരികൾക്ക് നേട്ടമുണ്ടാകും. സന്താനങ്ങളെക്കൊണ്ട് ഗുണം, ശാരീരികമായി വളരെയധികം സുഖാനുഭവങ്ങൾ. കുടുംബസമാധാനം, ആത്മവിശ്വാസക്കൂടുതൽ, പ്രയത്നം സഫലമാകും.

രോഹിണി: ഏതു കാര്യത്തിലും വളരെ ശ്രദ്ധ പാലിക്കുക. വിദ്യാർത്ഥികൾക്ക് പ്രതികൂല സമയമാണ്. ഉദ്യോഗസ്ഥർക്ക് സ്ഥാനചലനവും മറ്റ് അസ്വസ്ഥതകളും ഉണ്ടായേക്കാം. ഏല്ലാരംഗത്തും പരാജയം, ഏറ്റെടുത്ത പദ്ധതികൾ പൂർത്തിയാക്കാൻ പ്രയാസപ്പെടും, കലഹങ്ങൾ ഉണ്ടാകാതെ നോക്കണം.

മകയിരം: വിവാഹാലോചനകളിൽ തീരുമാനമുണ്ടാകും. ആരോഗ്യപരമായ കാര്യങ്ങളിൽ കൂടുതൽ ജാഗ്രത വേണം. പുതിയ ഉദ്യമങ്ങളിൽ വിജയം കൈവരിക്കും, കീർത്തി,​വസ്ത്രാഭരണലാഭം, അന്യവ്യക്തിയുടെ സഹായത്താൽ കാര്യങ്ങൾ നടന്നു പോകും, ആരോഗ്യസ്ഥിതി തൃപ്തികരം ആയിരിക്കും.

തിരുവാതിര: മനഃക്ലേശവും അസ്വസ്ഥതകളും വർധിച്ചേക്കാം. അനാവശ്യ കാര്യങ്ങളിൽ ഇടപെടരുത്. മാനസിക ശാരീരിക വിഷമതകൾ ഏറാൻ സാദ്ധ്യത, എല്ലാ കാര്യങ്ങൾക്കും തടസ്സം അനുഭവപ്പെടും, അനാവശ്യ യാത്രകൾ കഴിവതും ഒഴിവാക്കുക, ബന്ധുക്കൾക്ക് രോഗ ദുരിതങ്ങൾ ഉണ്ടാകും.

പുണർതം: ഉദ്യോഗസ്ഥർക്ക് അനുകൂലമാറ്റങ്ങൾ ഈ മാസത്തിൽ തീരുമാനമാകും. ഗൃഹം മോടിപിടിപ്പിക്കും. സ്വന്തമായി തൊഴിൽ ചെയ്യുന്നവർക്ക് നേട്ടം, അകന്നു കഴിഞ്ഞവർ അടുത്ത് വരും, പുതിയ കൂടിച്ചേരലുകൾ ഉണ്ടാകും. മറ്റുള്ളവരെ സഹായിക്കാൻ താൽപര്യം കാണിക്കും.

പൂയം: വിദ്യാർത്ഥികൾക്ക് ഉദ്ദേശിക്കുന്ന പുരോഗതി ലഭിക്കും. ഉദ്യോഗസ്ഥർക്ക് അനുകൂലമാറ്റങ്ങൾ ഉണ്ടാകും. അംഗീകാരവും വിജയവും, സന്താനങ്ങൾ മൂലം സന്തോഷം കിട്ടും, കർമ്മ മേഖലയിൽ ഉണർവ്, ദാമ്പത്യ സുഖം, കിട്ടാക്കടം പിരിഞ്ഞു കിട്ടും, പേരും പെരുമയും ഉണ്ടാകും.

ആയില്യം: വിവാഹാലോചനകളിൽ തീരുമാനമാകും. പുതിയ പ്രണയബന്ധങ്ങൾ ഉടലെടുക്കുവാൻ സാദ്ധ്യത കാണുന്നു. എല്ലാരംഗത്തും അഭിവൃദ്ധിയും ശുഭ പ്രതീക്ഷയും ഉണ്ടാകും, ദൈവാനുകൂല്ല്യം, വിദേശത്തുനിന്നും ശുഭ വാർത്ത, ശത്രുജയം, ക്രയവിക്രയങ്ങളിൽ നേട്ടം, വാഹന യോഗം.

മകം: പുതിയ തൊഴിൽ നേടുന്നതിനും സാദ്ധ്യതയുണ്ട്. വീട് പണിയുന്നതിന് ശ്രമം തുടങ്ങും. പൊതു പ്രവർത്തന രംഗത്ത് പ്രവർത്തിക്കുന്നവർക്ക് പ്രശസ്തി വർദ്ധിക്കും, ഏറെക്കാലമായി അകന്നുകഴിഞ്ഞിരുന്ന ദമ്പതികൾ ഒന്നിക്കും, ശത്രുക്കൾ നിഷ്പ്രഭരാകും.

പൂരം: ജീവിത പങ്കാളിക്ക് ശാരീരിക,​മാനസിക ക്ലേശങ്ങൾക്ക് സാദ്ധ്യത. രാഷ്ട്രീയ രംഗത്ത് പ്രവർത്തിക്കുന്നവർക്ക് സ്ഥാനമാനങ്ങൾ ലഭിക്കാനിട, ജോലി തേടുന്നവർക്ക് അനുകൂല അറിയിപ്പ് ലഭിക്കും, കുടുംബത്തിൽ സ്വസ്ഥതയും സമാധാനവും നിലനിർത്താൻ ശ്രമിക്കണം.

ഉത്രം: ജോലിയിൽ മാറ്റങ്ങൾ വരുത്തുവാൻ കഴിയും. വ്യാപാര രംഗത്ത് പ്രതികൂല അനുഭവങ്ങൾ ഉണ്ടാകാം. അകന്നു കഴിഞ്ഞിരുന്ന ബന്ധുക്കൾ പിണക്കം മാറ്റും, ഗൃഹനിർമ്മാണത്തിന് പണം മുടക്കും, ഗൃഹം,വാഹനം എന്നിവ പരിഷ്‌കരിക്കും, ദമ്പതികൾക്ക് ഒരുമയോടെ പ്രവർത്തിക്കാൻ കഴിയും.

അത്തം: ധനപരമായ പുരോഗതി കൈവരും. വിദ്യാർത്ഥികൾക്ക് ഗുണദോഷം. ഏതു കാര്യത്തിലും കൂടുതൽ ശ്രദ്ധ പാലിക്കുക.മംഗളകർമ്മങ്ങൾ നടക്കാനിടവരും, വിദേശ ജോലിക്ക് സാദ്ധ്യത, മാദ്ധ്യമങ്ങളിൽ ശോഭിക്കും, ജീവിത പങ്കാളിയിൽ നിന്നും ഉറച്ച പിന്തുണ, സർക്കാർ അംഗീകാരം ലഭിക്കും.

ചിത്തിര: ഗൃഹനിർമ്മാണത്തിന് ഒരുങ്ങുന്നവർ അതിവ്യയമുണ്ടാകാതെ സൂക്ഷിക്കുക. കർമ്മരംഗത്ത് പലവിധ മാറ്റങ്ങൾക്കും ഇടയുണ്ട്. തൊഴിലിൽ അഭിവൃദ്ധി ഫലം, യാത്രയിൽ നേട്ടം, ധനപ്രാപ്തി, പൊതുകാര്യങ്ങളിൽ വിജയം, അഭിമാനകരമായ സംഗതികൾ സംഭവിക്കും.

ചോതി: പൊതുവെ സാമ്പത്തികമായ ചില നേട്ടങ്ങൾ ഉണ്ടാകും. സന്താനങ്ങളെ കൊണ്ട് ഗുണാനുഭവങ്ങൾ കൈവരും. മറ്റുള്ളവരുടെ ആദരവ് നേടും, ആത്മവിശ്വാസം വർദ്ധിക്കും, ദൂരയാത്രകൾ ഫലപ്രദമാകും, സന്താനങ്ങൾക്ക് പേരും പെരുമയും വർദ്ധിക്കും.

വിശാഖം: ഏതു കർമ്മവും വളരെ ശ്രദ്ധിച്ചു ചെയ്താൽ വിജയമാകും. ആരോഗ്യ നില തൃപ്തികരം, പുതിയ ജോലി ലഭിക്കും. വ്യവഹാരവിജയം, ബന്ധുബലം വർദ്ധിക്കും, ആഗ്രഹങ്ങൾ സഫലമാകും, തൊഴിലിൽ നിന്നും നേട്ടങ്ങൾ.

അനിഴം: വിദ്യാർത്ഥികൾ വളരെ ജാഗ്രതയോടെ ശ്രമിക്കുകയാണെങ്കിൽ ഉദ്ദേശിച്ച ഗുണം ലഭിക്കും. ഉദ്യോഗസ്ഥർക്ക് ഗുണകരമായ ചില തീരുമാനങ്ങൾ ഉണ്ടാകും. പ്രവർത്തിവിജയം, സന്താനങ്ങളെക്കൊണ്ട് ഗുണം, പൊതുവെ ഐക്യത. താൽക്കാലിക ജോലി സ്ഥിരമാകും, കലാമത്സരങ്ങളിൽ വിജയവും അംഗീകാരവും.

കേട്ട: രോഗശമനം, സുഖാനുഭവങ്ങൾ, പ്രമോഷൻ ലഭിക്കും, ധനാഗമ മാർഗ്ഗങ്ങൾ വർദ്ധിക്കും,ദാമ്പത്യ സുഖം, പുതിയ ബന്ധങ്ങൾ ഉടലെടുക്കും, തുടർച്ചയായ ശ്രമംകൊണ്ട് കർമ്മരംഗത്ത് പുരോഗതിയുണ്ടാകും. വിദ്യാർത്ഥികൾക്ക് നേട്ടം കാണുന്നുണ്ട്.

മൂലം:വിദ്യാർത്ഥികൾ വളരെ ജാഗ്രത പാലിക്കുക.അല്ലാത്ത പക്ഷം പരാജയങ്ങൾ വരാം. സ്‌നേഹിതന്മാരിൽ നിന്ന് ചതിവുകൾ ഉണ്ടാകാനിടയുണ്ട്, മാരക പ്രവർത്തികളുടെ കുറ്റം ഏൽക്കേണ്ടി വരും, അയൽക്കാരുമായി കലഹിക്കാൻ ഇടവരും.

പൂരാടം: കച്ചവടക്കാർക്ക് ചില പ്രതിസന്ധികൾ ഉണ്ടാകും. ഉദ്യോഗസ്ഥർക്ക് പ്രവർത്തനരംഗത്ത് വിഷമങ്ങൾ അനുഭവപ്പെടും. സാമ്പത്തിക ബാദ്ധ്യതകൾക്ക്‌ ഇടവരും, കലഹങ്ങൾ,​അപകടങ്ങൾ, ജോലിയിൽ കൃത്രിമം കാണിയ്ക്കുക, മേലധികാരികളിൽ നിന്ന് എതിർപ്പും അസംതൃപ്തിയും.

ഉത്രാടം: ബന്ധുവിരോധം സംഭവിച്ചേക്കാം.പണമിടപാടുകളിൽ കൂടുതൽ ശ്രദ്ധ ചെലുത്തുക,കാർഷിക രംഗത്ത് പ്രവർത്തിക്കുന്നവർ കരുതലോടെ നീങ്ങുക, വാശി,​മാത്സര്യബുദ്ധി ഇവ ഉപേക്ഷിക്കണം, പൊതുജനങ്ങളുമായി വാക്കുതർക്കത്തിലേർപ്പെടും.

തിരുവോണം: കുടുംബത്തിൽ സന്തുഷ്ടി നിലനിൽക്കും. ശാരീരികമായ അസ്വസ്ഥതകൾ അനുഭവപ്പെടും. ഉദര രോഗങ്ങളുള്ളവർ സൂക്ഷിക്കുക. പലവിധത്തിലുള്ള ധനനേട്ടം, ശത്രുവിന്മേൽ വിജയം, യുവതീയുവാക്കളുടെ വിവാഹ കാര്യങ്ങളിൽ തീരുമാനം. സാമ്പത്തിക പ്രയാസങ്ങൾക്ക് കുറവ് വരും.

അവിട്ടം:വിദ്യാർത്ഥികൾക്ക് പുരോഗതിയുണ്ടാകും. ഉദ്യോഗസ്ഥർക്ക് സ്ഥാനക്കയറ്റത്തിനുള്ള തീരുമാനമുണ്ടാകും. മതപരമായ ചടങ്ങുകളിൽ പങ്കെടുക്കും, സന്തോഷം നിറഞ്ഞസമയം, സ്ത്രീകൾക്ക് ഗുണാനുഭവങ്ങൾ, തൊഴിലിൽ ഉത്സാഹവും പുരോഗതിയും ഉണ്ടാകും.

ചതയം: ഉദ്ദേശിക്കുന്ന കാര്യങ്ങൾ അനുകൂലമായി വരും. വിദേശ തൊഴിലിന് ശ്രമിക്കുന്നവർക്ക് അതു സാധിക്കും. ദമ്പതികൾ തമ്മിൽ അഭിപ്രായ ഐക്യം. സന്താനഭാഗ്യം, ധനപ്രാപ്തി, ജോലി ലഭ്യത, സുഖസൗകര്യങ്ങൾ, പുതിയ സംരംഭങ്ങൾ, അകലെനിന്നും സഹായ സഹകരണങ്ങൾ ലഭിക്കും.

പൂരുരുട്ടാതി: വിദ്യാർത്ഥികൾക്ക് അനുകൂല കാലഘട്ടമാണ്. ഉദ്യോഗസ്ഥർക്ക് ഗുണകരമായ മാറ്റങ്ങൾ വേണ്ടി ശ്രമം തുടങ്ങാം. കുടുംബത്തിലെ അസ്വസ്ഥതകൾ അകലും,ശത്രുജയം, മംഗളകർമ്മങ്ങളിൽ പങ്കെടുക്കും, പരിശ്രമങ്ങൾക്ക് അനുകുലമായ ഫലം ലഭിക്കും.

ഉതൃട്ടാതി: കുടുംബത്തിൽ ചില അസ്വസ്ഥതകൾക്ക് സാദ്ധ്യത കാണുന്നുണ്ട്. സ്ത്രീകളിൽ നിന്നും ആത്മാർത്ഥമായ സഹകരണം, എതിർപ്പുകളെ അതിജീവിക്കും. പുതിയ ജോലി ലഭിക്കും, വ്യാപാര കാര്യങ്ങളിൽ അഭിവൃദ്ധി, യാത്രമൂലം ഗുണം.

രേവതി: വിവാഹാലോചനകളിൽ തീരുമാനമുണ്ടായേക്കും. വിദ്യാർത്ഥികൾക്ക് നന്നായി ശ്രമിച്ചാൽ വിജയിക്കാൻ കഴിയും. കലാകാരന്മാർക്ക് നല്ല സമയം, കുടുംബപരമായ ബാദ്ധ്യതകൾ തീർക്കും, വിദ്യാഭ്യാസ കാര്യങ്ങളിൽ പുരോഗതി, വശ്യമായി സംസാരിക്കും. ഉല്ലാസ യാത്രകൾ ഗുണപ്രദമാകും.