പൊലീസിൽ പുഴുക്കുത്തുകളുണ്ട്: എം.വി. ജയരാജൻ

ആലപ്പുഴ: പൊലീസിൽ അന്നും ഇന്നും ചില പുഴുക്കുത്തുക​ളുണ്ടെന്ന്​ സി.പി.എം സംസ്ഥാന സെക്രട്ടറിയേറ്റംഗം എം.വി. ജയരാജൻ മാദ്ധ്യമപ്രവർത്തകരോട്​ പറഞ്ഞു.തെറ്റ്​ ചെയ്ത പൊലീസുകാരെ സംരക്ഷിക്കുന്നതല്ല ഇടതു സർക്കാർ നയം. അന്വേഷണം നടത്തി വസ്തുത നോക്കി നടപടിയെടുക്കും. 144 പേർക്ക് എതിരെ നടപടിയെടുത്തത് അങ്ങനെയാണ്.

രാഹുൽ മാങ്കൂട്ടത്തിൽ കോൺഗ്രസുകാരുടെ വീട്ടിലുള്ള സ്ത്രീകളെയാണ്​​ പീഡിപ്പിച്ചത്​. കോൺഗ്രസ്​ അകപ്പെട്ടത്​ പരിഹരിക്കാൻ കഴിയാത്ത പ്രതിസന്ധിയിലാണ്​. വയനാട്ടിൽ ചതിയും ഗ്രൂപ്പുവഴക്കുമാണ്​ പ്രശ്നം. തിരുവനന്തപുരത്ത്​ വഞ്ചിതനായ കോൺഗ്രസ്​ പ്രവർത്തകൻ ആത്മ​ഹത്യ ചെയ്​തു. കോൺഗ്രസ്​ കുടുംബത്തിലുള്ളവർ പോലും

ആത്​മഹത്യയുടെ വക്കിലാണ്​. ഗുരുതര പ്രതിസന്ധിയിൽ അകപ്പെട്ട കോൺഗ്രസ് രക്ഷപ്പെടാനാണ് സർക്കാരിനെതിരെ തിരിയുന്നതെന്നും അദ്ദേഹം ആരോപിച്ചു.