പൊതു അവധി നൽകണം

കോട്ടയം: പൂജവയ്പ്പ് പ്രമാണിച്ച് ദുർഗ്ഗാഷ്ടമി ദിവസമായ 30ന് സംസ്ഥാനത്ത് പൊതു അവധി നൽകണമെന്ന് എൻ.ജി.ഒ സംഘ് ആവശ്യപ്പെട്ടു. സർക്കാർ കലണ്ടറിൽ സെപ്‌തംബർ 29 പൂജവയപ്പ് എന്ന് രേഖപ്പെടുത്തിയിട്ടുണ്ടെങ്കിലും ദുർഗ്ഗാഷ്ടമിയ്ക്ക് അവധിയില്ലാത്തത് വിശ്വാസികൾക്ക് ബുദ്ധിമുട്ടുണ്ടാക്കുന്നതാണ്. തൊഴിലുപകരണങ്ങളും, പുസ്തകങ്ങളും പൂജവച്ച് കഴിഞ്ഞാൽ പൂജയെടുപ്പുവരെ തൊഴിലും, വായനയും ഒഴിവാക്കണമെന്നതാണ് ആചാരം. ആയതിനാൽ ദുർഗ്ഗാഷ്ടമി ദിനമായ സെപ്‌തംബർ 30ന് സംസ്ഥാനത്ത് പൊതു അവധി പ്രഖ്യാപിക്കണമെന്ന് ജില്ലാ പ്രസിഡന്റ് എസ്. സുരേഷ് , സെക്രട്ടറി കെ.എൻ മനുകുമാർ എന്നിവർ ആവശ്യപ്പെട്ടു.