ലഹരി വിരുദ്ധ - സൈബർ സേഫ്റ്റി ബോധവത്കരണ സെമിനാർ

തിരുവനന്തപുരം: ലയൺസ് ഡിസ്ട്രിക്ട് 318എയിലെ പ്ലാറ്റിനം ലൈൻസ് ക്ലബ്ബിന്റെ ആഭിമുഖ്യത്തിൽ വെങ്ങാനൂർ ഗവൺമെന്റ് മോഡൽ ഹയർ സെക്കൻഡറി സ്കൂളിൽ ലഹരി വിരുദ്ധ,​സൈബർ സേഫ്റ്റി ബോധവത്കരണ സെമിനാർ സംഘടിപ്പിച്ചു. സെമിനാറിന്റെ ഉദ്ഘാടനം ലയൺസ് ഡിസ്ട്രിക്ട് പ്രിൻസിപ്പൽ സെക്രട്ടറി ടി.ബിജു കുമാർ നിർവഹിച്ചു. നെയ്യാറ്റിൻകര എക്സൈസ് റെയിഞ്ച് പ്രിവന്റീവ് ഓഫീസർ അജിത്.ആർ,​ലയൺസ് ഡിസ്ട്രിക് സെക്രട്ടറി എൻ.വിനയകുമാരൻ നായർ എന്നിവർ ക്ലാസെടുത്തു. സ്കൂൾ പ്രിൻസിപ്പൽ ബീന ടീച്ചർ,പ്ലാറ്റിനം ക്ലബ് പ്രസിഡന്റ് മജുകുമാർ,സോൺ ചെയർപേഴ്സൺ സുനിൽകുമാർ,റീജിയൻ ചെയർപേഴ്സൺ രതീഷ്,സ്കൂൾ എൻ.എസ്.എസ് പ്രോഗ്രാം ഓഫീസർ ഹെലൻ ടീച്ചർ എന്നിവർ സംസാരിച്ചു.