വീണ്ടും പൈപ്പ് പൊട്ടി, 7 പഞ്ചായത്തുകളി​ൽ കുടി​വെള്ളം മുടങ്ങി​

തുറവൂർ. ദേശീയപാത നിർമ്മാണത്തിന്റെ ഭാഗമായി കാനയ്ക്ക് കുഴിയെടുക്കുന്നതിനിടെ വീണ്ടും കുടിവെള്ള പൈപ്പ് പൊട്ടി. കഴി​ഞ്ഞ ദി​വസം പൈപ്പ് പൊട്ടിയതി​നെത്തുടർന്ന് ​ പ്രദേശത്ത് മുടങ്ങി​യ കുടി​വെള്ള വി​തരണം പുനഃസ്ഥാപി​ച്ച് മണി​ക്കൂറുകൾക്കുള്ളി​ലാണ് വീണ്ടും പൈപ്പ് പൊട്ടി​യത്. ഇതോടെ പട്ടണക്കാട്, വയലാർ, തുറവൂർ ,കുത്തിയതോട് ,കോടംതുരുത്ത്, എഴുപുന്ന , അരൂർ എന്നീ പഞ്ചായത്തുകളിലേക്കുള്ള കുടി​വെള്ള വിതരണം 30 വരെ മുടങ്ങി​.

ഇന്നലെ വൈകിട്ട് മണ്ണുമാന്തിയന്ത്രം ഉപയോഗിച്ച് കുഴി എടുക്കുന്നതിനിടെ കോടംതുരുത്തിലാണ് ജപ്പാൻ കുടി​വെള്ള പദ്ധതി​യുടെ പ്രധാന പൈപ്പ് പൊട്ടിയത്. കഴിഞ്ഞ 23 ന് എൻ.സി.സി റോഡിന് സമീപം രാത്രിയോടെ കാന നിർമാണത്തിനായി കുഴിയെടുത്തപ്പോഴും പൈപ്പ് പൊട്ടിയി​രുന്നു.