കാപ്പ ചുമത്തി നാടുകടത്തി

കിഴക്കമ്പലം: നിരന്തര കുറ്റവാളിയായ എടത്തല ചങ്ങനാംകുഴി മണികണ്ഠനെ (ബിലാൽ, 32) കാപ്പ ചുമത്തി ഒരു വർഷത്തേയ്ക്ക് നാടുകടത്തി. റൂറൽ ജില്ലാ പൊലീസ് മേധാവി എം. ഹേമലതയുടെ റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡി.ഐ.ജി ഡോ. സതീഷ് ബിനോയാണ് ഉത്തരവിട്ടത്. കൊലപാതകം, കൊലപാതക ശ്രമം, കഠിന ദേഹോപദ്റവം, മയക്കുമരുന്ന് വിപണനം തുടങ്ങി നിരവധി കേസുകളിൽ പ്രതിയാണ്. കഴിഞ്ഞ മെയ് മാസം വാഴക്കുളം പോസ്​റ്റ് ഓഫീസ് ജംഗ്ഷൻ ഭാഗത്ത് അന്യ സംസ്ഥാനതൊഴിലാളികൾ താമസിക്കുന്ന കെട്ടിടത്തിൽ അതിക്രമിച്ച് കയറി പണവും മൊബൈൽ ഫോണും കവർന്നതിന് തടയിട്ടപറമ്പ് പൊലീസ് രജിസ്​റ്റർ ചെയ്ത കേസിൽ പ്രതിയായതിനെ തുടർന്നാണ് നടപടി.