പ്രവാസി സംഘം പ്രചരണ ജാഥ

മുഹമ്മ:പ്രവാസി ക്ഷേമ നിധിയിൽ കേന്ദ്ര വിഹിതം അനുവദിക്കണമെന്നാവശ്യപ്പെട്ട് കേരള പ്രവാസി സംഘം ആലപ്പുഴ ജില്ലാകമ്മിറ്റിയുടെ നേതൃത്വത്തിൽ നടന്ന വാഹന പ്രചരണ ജാഥ പി.പി.സംഗീത ഉദ്ഘാടനംചെയ്തു. മാരാരിക്കുളം ഏരിയ പ്രസിഡന്റ് സ്റ്റഡി പോൾ അദ്ധ്യക്ഷത വഹിച്ചു.ജാഥാ ക്യാപ്റ്റൻ കെ.വി.മോഹൻകുമാർ,​ മാനേജർ പി.ടി.മഹേന്ദ്രൻ,​ ജില്ലാ വൈസ് പ്രസിഡന്റ് ഹാഷിം,​ ജോയിൻ സെക്രട്ടറി ബി. ഉദയഭാനു,​ ജെ.സലീം,​ഡി.സലിം,​ടി.എം.സമദ് എന്നിവർ സംസാരിച്ചു.പ്രവാസി ക്ഷേമനിധിയിൽ കേന്ദ്ര വിഹിതം അനുവദിക്കണമെന്നാവശ്യപ്പെട്ട് 7 , 8 തീയതികളിൽ നടത്തുന്ന രാപ്പകൽ സമരത്തിന്റെ പ്രചരണാർത്ഥമാണ് ജാഥ നടത്തിയത്.