ഡാർജിലിംഗ് ദുരന്തം: കേരളത്തിലെ പരിപാടികൾ റദ്ദാക്കി ബംഗാൾ ഗവർണർ ഡാർജിലിംഗിലേക്ക് തിരിച്ചു

കൊൽക്കത്ത: ഡാർജിലിംഗിൽ മണ്ണിടിഞ്ഞും പാലം തകർന്നുമുണ്ടായ ദുരന്തത്തിൽ ബംഗാൾ ഗവർണർ ഡോ. സി.വി. ആനന്ദ ബോസ് അഗാധമായ ദുഃഖം രേഖപ്പെടുത്തി. രക്ഷാപ്രവർത്തനങ്ങൾ ഊർജിതപ്പെടുത്തുന്നതിന് ബന്ധപ്പെട്ട അധികാരികൾക്കും ഉദ്യോഗസ്ഥർക്കും ഗവർണർ നിർദേശം നൽകി.

രണ്ടു ദിവസത്തെ ഔദ്യോഗിക സന്ദർശനത്തിന് കേരളത്തിലെത്തിയ അദ്ദേഹം പരിപാടികൾ റദ്ദാക്കി ഡാർജിലിംഗിലേക്ക് തിരിച്ചു.രക്ഷാപ്രവർത്തനങ്ങൾ ഏകോപിപ്പിക്കുന്നതിന് കൊൽക്കത്ത രാജ്ഭവനിൽ 24 മണിക്കൂറും പ്രവർത്തിക്കുന്ന ഹെൽപ്പ് ഡസ്‌ക് സജ്ജീകരിച്ചതായി രാജ്ഭവൻ അറിയിച്ചു.