പന്തം കൊളുത്തി പ്രതിഷേധ പ്രകടനം

വൈക്കം ; വാഹനങ്ങളുടെ റീ ടെസ്​റ്റ് ഫീസ് വർദ്ധനവിനെതിരെ അസോസിയേഷൻ ഒഫ് വർക്ക‌്ഷോപ്പ് കേരള വൈക്കം യൂണി​റ്റിന്റെ നേതൃത്വത്തിൽ വൈക്കം ടൗണിൽ പന്തം കൊളുത്തി പ്രകടനവും, പ്രതിഷേധ ധർണയും നടത്തി. വടക്കേനട ദേവസ്വം ഗ്രൗണ്ടിൽ നിന്ന് പുറപ്പെട്ട പ്രകടനം നഗരം ചു​റ്റിയ ശേഷം ബോട്ട് ജെട്ടി മൈതാനത്ത് സമാപിച്ചു. മുൻ ജില്ലാ സെക്രട്ടറി സജീവ് ഫ്രാൻസിസ് ഉദ്ഘാടനം ചെയ്തു. യൂണി​റ്റ് പ്രസിഡന്റ് ടി.ആർ.അഭിലാഷ് അദ്ധ്യക്ഷത വഹിച്ചു, സെക്രട്ടറി കെ.ഡി.അനീഷ് കുമാർ നേതാക്കളായ പി.എസ്.ഉദയകുമാർ, സി.വിജീഷ്‌കുമാർ, എം.മനോജ്, സി. സുരേഷ്, പി.കെ.ശശികുമാർ, അബ്ദുൾ റഫീക്ക്, രതീഷ് എന്നിവർ നേതൃത്വം നൽകി.