പറപ്പൂർ ക്ഷീര സംഘത്തിലെ സാമ്പത്തിക ക്രമക്കേട്, മുൻ ഭരണസമിതിയും സെക്രട്ടറിയും ചേർന്ന് തുക തിരിച്ചടയ്ക്കണം

പറപ്പൂർ : പറപ്പൂർ ക്ഷീര വ്യവസായ സഹകരണ സംഘത്തിലെ സാമ്പത്തിക തട്ടിപ്പിൽ മുൻ ഭരണസമിതിയും സെക്രട്ടറിയും ചേർന്ന് തുക തിരിച്ചടയ്ക്കണമെന്ന് ജില്ലാ ഡെപ്യൂട്ടി ഡയറക്ടറുടെ ഉത്തരവ്. സംഘത്തിൽ 2022-2023 സാമ്പത്തിക വർഷത്തെ ഓഡിറ്റ് റിപ്പോർട്ട് പ്രകാരം നടത്തിയ അന്വേഷണത്തിൽ പതിനെട്ട് ലക്ഷത്തി അമ്പത്തി മൂവായിരത്തി ഇരുനൂറ്റി ഇരുപത് രൂപ സംഘത്തിന്റെ മുൻ ഭരണസമിതിയും സെക്രട്ടറിയും ചേർന്ന് അപഹരിച്ചതായി കണ്ടെത്തി. ഇവർ 9 പേർക്കും തുല്യമായി വീതിച്ച് 12% പലിശ സഹിതം രണ്ട് ലക്ഷത്തി മുപ്പതിനായിരത്തി അറുന്നൂറ്റി ഇരുപത്തിരണ്ടു രൂപ 93 പൈസ വീതം 60 ദിവസത്തിനുള്ളിൽ തിരിച്ചടയ്ക്കണമെന്നും അല്ലാത്തപക്ഷം സംഘത്തിനെതിരെ നിയമനടപടി സ്വീകരിക്കുമെന്നുമാണ് ജില്ലാ ഡെപ്യൂട്ടി ഡയറക്ടറുടെ ഉത്തരവ്.