മേളപ്പെരുക്കത്തിന് കിഴക്കൂട്ട് തന്നെ

തൃശൂർ : തൃശൂർ പൂരത്തിന് ഇക്കുറിയും ഇലഞ്ഞിത്തറയിലെ മേളപ്പെരുക്കത്തിന് കിഴക്കൂട്ട് തന്നെ. അടുത്ത പൂരത്തിന്റെ വാദ്യപ്രമാണിമാരെ പാറമേക്കാവ് ദേവസ്വം നിശ്ചയിച്ചു. മേളം: മേള പ്രമാണിയായി കിഴക്കൂട്ട് അനിയൻ മാരാർ, പെരുവനം ഗോപാലകൃഷ്ണൻ (വീക്കം), ചേർപ്പ് നന്ദൻ (ഇലത്താളം), മച്ചാട് രാമചന്ദ്രൻ (കൊമ്പ്), കീഴൂട്ട് നന്ദൻ (കുഴൽ) എന്നിവർ പ്രമാണിമാരാകും. പഞ്ചവാദ്യം : ചോറ്റാനിക്കര നന്ദപ്പൻ മാരാർ (തിമില), കലാമണ്ഡലം കുട്ടിനാരായണൻ (മദ്ദളം), പരയ്ക്കാട് ബാബു (ഇലത്താളം), മച്ചാട് രാമചന്ദ്രൻ (കൊമ്പ്), തിരുവില്വാമല ജയൻ (ഇടയ്ക്ക) എന്നിവരാണ് നേതൃത്വം നൽകുക. തിരുവമ്പാടിയും അടുത്തുതന്നെ മേള പ്രമാണിമാരെ നിശ്ചയിക്കും.