വരുന്നു ഇന്ത്യന്‍ നിരത്തുകള്‍ കീഴടക്കാന്‍ പുത്തന്‍ മോഡലുമായി നിസാന്‍; വില്‍പ്പന 2026 മുതല്‍
കൊച്ചി: പുതിയ എസ്.യു.വിയായ നിസാന്‍ സി-ടെക്ടോണിന്റെ ഡിസൈനും പ്രിവ്യൂവും നിസാന്‍ മോട്ടോര്‍ ഇന്ത്യ വിപണിയില്‍ അവതരിപ്പിച്ചു. ഏറെ ആരാധകരുള്ള നിസാന്‍ എസ്.യു.വി പട്രോളില്‍ നിന്ന് പ്രചോദനം ഉള്‍കൊണ്ടാണ് നിസാന്‍ ടെക്ടോണ്‍ രൂപകല്‍പ്പന ചെയ്തിരിക്കുന്നത്. 'വാസ്തുശില്പി' എന്ന് അര്‍ത്ഥം വരുന്ന ഗ്രീക്ക് പദത്തില്‍ നിന്നാണ് ടെക്ടോണ്‍ പേര് സ്വീകരിച്ചിരിക്കുന്നത്. എന്‍ജിനീയറിംഗ് മികവ്, പ്രകടനം, ഡിസൈന്‍ ഐഡന്റിറ്റി എന്നിവ ഉള്‍ക്കൊള്ളുന്ന ശക്തമായ, പ്രീമിയം സി-എസ്.യു.വിയെന്നാണ് പേര് സൂചിപ്പിക്കുന്നത്. പട്രോളിനെ അനുസ്മരിപ്പിക്കുന്ന ശക്തമായ ബോണറ്റും സി-ആകൃതിയിലുള്ള ഹെഡ് ലാമ്പ് സിഗ്‌നേച്ചറും കമാന്‍ഡിംഗും ഗംഭീരവുമായ കരുത്തുറ്റ ലോവര്‍ ബമ്പറുമായി ജോഡിയാക്കിയിരിക്കുന്നു.
പ്രത്യേകതകള്‍
ഗംഭീരവും മസ്‌ക്കുലര്‍ ലുക്കും നല്‍കുന്ന സൈഡ് പ്രൊഫൈല്‍, ഹിമാലയത്തില്‍ നിന്ന് പ്രചോദനമെടുത്ത പര്‍വതനിരകളുടെ രൂപരേഖ ഉള്‍ക്കൊള്ളുന്ന ഡോറുകള്‍, 'സി-ആകൃതിയിലുള്ള' ഡൈനാമിക് ടെയില്‍-ലാമ്പുകളെ ബന്ധിപ്പിക്കുന്ന വീതിയില്‍ വ്യാപിച്ചുകിടക്കുന്ന പുറകിലെ ലൈറ്റ്ബാര്‍, ടെക്ടോണ്‍ നെയിംപ്ലേറ്റ് എന്നിവയെല്ലാം ഡിസൈന്‍ പ്രത്യേകതകളാണ്.
അടുത്ത വര്‍ഷം വില്‍പ്പന തുടങ്ങും
പുതിയ സി-സി-എസ്.യു.വിന്റെ വില്‍പ്പന അടുത്ത വര്‍ഷം ആരംഭിക്കും . നിസാന്റെ 'വണ്‍ കാര്‍, വണ്‍ വേള്‍ഡില്‍ല്‍ വരുന്ന രണ്ടാമത്തെ മോഡലായ ടെക്ടോണിന്റെ നിര്‍മ്മാണം ചെന്നൈയിലെ പ്ലാന്റില്‍ ആയിരിക്കും. ഇന്ത്യയിലെ വില്‍പ്പനയ്ക്ക് പുറമെ ഭാവിയില്‍ തിരഞ്ഞെടുത്ത ആഗോള വിപണികളിലേക്ക് കയറ്റുമതിയും ഉണ്ടാകും. ഇന്ത്യയില്‍ സാന്നിദ്ധ്യം ശക്തിപ്പെടുത്തുന്നതിനും പോര്‍ട്ട്ഫോളിയോ വികസിപ്പിക്കുന്നതിനുമുള്ള നിസാന്‍ മോട്ടോര്‍ ഇന്ത്യയുടെ പദ്ധതികളില്‍ നിര്‍ണായക ചുവടുവെയ്പാണ് ടെക്ടോണ്‍.