ഈ നാളുകാർക്ക് അന്യദേശത്ത് നിന്ന് വിവാഹ ആലോചനകൾ വരും; ആഗ്രഹങ്ങൾ സാധിച്ചു കിട്ടും
റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com
2025 ഒക്ടോബർ 16 - കന്നി 30 വ്യാഴാഴ്ച. ( മദ്ധ്യാഹ്ന ശേഷം 12 മണി 41 മിനിറ്റ് 44 സെക്കന്റ് വരെ ആയില്യം നക്ഷത്രം ശേഷം മകം നക്ഷത്രം )
അശ്വതി: വിവാഹാലോചനകള്‍ അന്തിമ തീരുമാനത്തിലെത്തും, സ്ത്രീകളില്‍ നിന്നും ആത്മാര്‍ഥമായ സഹകരണം പ്രതീക്ഷിക്കാം, യാത്ര മൂലം ഗുണങ്ങൾ.
ഭരണി: ദേവാലയ ദര്‍ശനയോഗം, കൃഷിയില്‍ നിന്നും ധന ലാഭം, സന്താനസുഖം, തൊഴിലില്‍ അഭിവൃദ്ധിയും ധനപ്രാപ്തിയും, എല്ലാരംഗത്തും അഭിവൃദ്ധിയും ശുഭ പ്രതീക്ഷയും.
കാർത്തിക: വാഹന സുഖം. ജോലിയില്‍ ഉന്നത സ്ഥാന ലഭ്യത, ശത്രുക്കളെ ജയിക്കും, ദീനാനുകബ കാണിക്കും, ദാമ്പത്യത്തില്‍ സംതൃപ്തിയും സമാധാനവും ഉണ്ടാകും.
രോഹിണി: ഗുണകരമായ അനുഭവങ്ങൾ, അപ്രതീക്ഷിത കൂടിക്കാഴ്ചയിൽ സ്വന്തം നില ഭദ്രമാക്കും, ഭക്ഷ്യ വസ്തുക്കളുടെ വിതരണരംഗത്ത് നേട്ടം, സ്ഥിര വരുമാനം കൂടും.
മകയിരം: പ്രയത്നത്തിനു അനുസരിച്ച് ഉള്ള അംഗീകാരം കിട്ടില്ല , ആരോപണങ്ങൾ രൂക്ഷമാകാതെ നോക്കണം, ധനപരമായ ബാദ്ധ്യതകൾ കാരണം പ്രയാസങ്ങൾ ഉണ്ടാകും, കലഹത്തിനു സാദ്ധ്യത കൂടുതലാണ്.
തിരുവാതിര: കലാകാരന്മാര്‍ക്ക് നല്ല ദിനം, സാങ്കേതിക സ്ഥാപനത്തിൽ നിന്നും അനുകൂല മാറ്റം, ഭക്ഷ്യവസ്തുക്കളുടെ വിതരണരംഗത്ത് നേനേട്ടം, ടെക്‌സ്റ്റൈൽ മേഖലയിൽ നല്ല സമയം. പുതിയ ഏജൻസിയിൽ നേട്ടം.
പുണർതം: ധനാഗമാത്തിനു അനുകൂലമായ സാഹചര്യം, അന്യസ്ത്രീകൾ സ്നേഹത്തോടെ പെരുമാറും, മാനസിക സമ്മർദ്ദത്തിൽ നിന്നും കരകയറും. പ്രമോഷൻ സാദ്ധ്യത, വളർത്തു മൃഗങ്ങൾ മുഖേന ധനവരവ്.
പൂയം: വാഹന ഭാഗ്യം, ആപത്തുകളിൽ നിന്നും രക്ഷ. മംഗളകര്‍മ്മങ്ങള്‍ക്ക് സാക്ഷിയാകും, മാതൃസഹായത്താൽ ഗൃഹ നിർമ്മാണം പുനരാരംഭിക്കും, വാഹന വായ്പ ലഭിക്കും.
ആയില്യം: ചെലവു വര്‍ദ്ധിക്കുമെങ്കിലും വരവും അതിനനുസരിച്ച് ഉണ്ടാകും, സ്നേഹ ബന്ധങ്ങള്‍ക്ക് തുടക്കം കുറിക്കും, ദൂരദേശത്ത് നിന്നും വരുമാനം കൂടും. പുതിയ വ്യാപാര സ്ഥാപനം ആരംഭിക്കുന്നത് ആസൂത്രണം ചെയ്യും.
മകം: വിവാഹാലോചനകള്‍ അന്തിമ തീരുമാനത്തിലെത്തും, പുതിയ ജോലി ലഭിക്കും, വ്യാപാര കാര്യങ്ങളില്‍ അഭിവൃത്തി, സ്ഥിര വരുമാനം കൂടും. സ്ഥാനക്കയറ്റ തടസം മാറും. കരാർ രംഗത്ത് ഒത്തുതീർപ്പ്. ഇൻഷ്വറൻസ് മേഖലയിൽ നേട്ടം.
പൂരം: ഐശ്വര്യവും സമാധാനവും തിരിച്ചു പിടിക്കാൻ സാധിക്കും, ശത്രുജയം, യന്ത്രോപകരണങ്ങളുടെ ഇടപാടിൽ നേട്ടം. ചർച്ചകൾ അവസാനിപ്പിക്കാൻ മുൻകൈയെടുക്കും, ബന്ധുബലം വർദ്ധിക്കും.
ഉത്രം: വിനോദയാത്ര, ഔദ്യോഗികമായി നേതൃത്വം ലഭിക്കും, കീഴ്ജീവനക്കാരെ ശാസിക്കേണ്ടി വരും, സുഹൃത്തുക്കൾ സഹായിക്കും. കുടുംബ കാര്യത്തിൽ വിട്ടുവീഴ്ചയ്ക്ക് തയ്യാറാകും.
അത്തം: പണച്ചെലവുണ്ടാകും, വിഷമതകളെല്ലാം മാറിക്കിട്ടും, അകന്നു കഴിഞ്ഞവര്‍ അടുത്ത് വരും, സർവകലാശാലയിൽ സ്ഥാനക്കയറ്റം, ഭൂമിയുടെ ഇടപാടുകളിൽ ആദായം ലഭിക്കും.
ചിത്തിര: ധീരതയോടെ നേരിട്ടു വിജയം വരിക്കും, ശ്രദ്ധാപൂര്‍വ്വം ജോലികൾ നിര്‍വ്വഹിക്കും, തൊഴിൽ സ്ഥലത്ത് തന്ത്രപരമായ നീക്കങ്ങൾ നടത്തും. യാത്രാ രേഖകൾ ലഭിക്കും. മംഗള കാര്യങ്ങൾക്കുള്ള തടസം മാറും.
ചോതി: ആഗ്രഹങ്ങൾ സാധിച്ചു കിട്ടും, അന്യദേശത്ത് നിന്ന് വിവാഹ ആലോചനകൾ വരും, വിദ്യാഗുണം, കലഹങ്ങൾ സ്വയം ഒഴിവാകും, അധികാരികളുടെ പ്രോത്സാഹനം ലഭിക്കും, ഗുണാനുഭങ്ങൾ.
വിശാഖം: പുതിയ അവസരങ്ങള്‍, ചിന്താശേഷിയോടു കൂടി പ്രവര്‍ത്തിക്കും, യാത്ര കൊണ്ട് നേട്ടങ്ങൾ ഉണ്ടാകും, ശുഭാപ്തി വിശ്വാസം ഉണ്ടാകും, മനസുഖം വർദ്ധിക്കും, ജോലിയില്‍ അനുകൂലമായ മാറ്റം.
അനിഴം: ഗൃഹഭാഗ്യം, ധൃതിയിലുള്ള വിവാഹ ആലോചന സാദ്ധ്യത, ചികിത്സാരംഗത്ത് നേട്ടം കൈവരിക്കും, നിറവോടുകൂടി കാര്യങ്ങള്‍ പൂർത്തിയാക്കും, സന്താനത്തിന് വിദേശത്ത് ഉപരിപഠന യോഗം.
കേട്ട: ജോലിക്കാർ പിരിഞ്ഞു പോകാതെ നോക്കണം, കടം തീർക്കുന്നതിന് വഴിയുണ്ടാകും, പുതിയ സ്ഥാപനത്തിൽ നിന്നും ക്ഷണം ലഭിക്കും, വിദേശത്ത് നിന്നും ശുഭ വാര്‍ത്തകള്‍ കിട്ടും, ധനാഗമനത്തിനു അനുകൂലമായ സാഹചര്യം.
മൂലം: ചതിവുകൾ സംഭവിക്കാനിടയുണ്ട്, സന്മാര്‍ഗ്ഗത്തില്‍ നിന്നും വ്യതിചലിക്കാന്‍ പ്രേരണ ഉണ്ടാകും, വിലപിടിപ്പുള്ളവ മോഷണം പോകും, കൂട്ടുകാരുടെ നിര്‍ബന്ധങ്ങള്‍ക്ക് വഴങ്ങി അബദ്ധത്തില്‍ ചെന്ന് ചാടരുത്.
പൂരാടം: പ്രതീക്ഷവച്ചു ചെയ്ത പലതും നഷ്ടത്തില്‍ കലാശിക്കും, അനുകൂലിച്ചു നിന്നവര്‍ ശത്രുക്കള്‍ ആകും, രഹസ്യ ഇടപാടുകള്‍ കാരണം മനോദുഃഖം, അനാവശ്യമായി സാമ്പത്തിക ഇടപാടുകളിൽ ചെന്ന് ചാടരുത്.
ഉത്രാടം: ദൂരയാത്രകള്‍ വേണ്ടി വരും, വിവാഹ ആലോചനകള്‍ മുടങ്ങും, ആരോപണങ്ങള് രൂക്ഷമാകാതെ നോക്കണം, ദുര്‍വ്വാശിയും ദുരഭിമാനവും കാരണം കുടുബസമാധാനം നഷ്ടപ്പെടും.
തിരുവോണം: ദാമ്പത്യത്തില്‍ പൊതുവെ സുഖം, മാതാവിന് ധനലാഭം, നിര്‍മ്മാണ പദ്ധതികള്‍ക്ക് തുടക്കം കുറിക്കും, വായനാശീലം വര്‍ദ്ധിക്കും, ദാനകര്‍മ്മങ്ങള്‍ നടത്തും, ഉന്നത സ്ഥാനങ്ങൾ അലങ്കരിക്കും.
അവിട്ടം: ശത്രു ഭീതിയും പരാജയവും, നഷ്ടപെട്ടെന്നു കരുതിയ രേഖകള്‍ തിരികെ ലഭിക്കും, താത്കാലിക ജോലി ലഭിക്കും, വിവാഹിതർ അന്യ ബന്ധങ്ങളിൽ നിന്നും ഒഴിഞ്ഞു നിൽക്കണം.
ചതയം: വാഗ്ദാനം ചെയ്യപ്പെട്ട ജോലിക്ക് അനുകൂല നിലപാട്, ഗൃഹനിർമ്മാണത്തിന് സഹായം ലഭിക്കും, ഗവേഷകർക്ക് പുതിയ കണ്ടെത്തൽ നടത്താൻ യോഗം, അഭിനയ മികവ് തെളിയിക്കാൻ കഴിയും.
പൂരുരുട്ടാതി: ദാമ്പത്യത്തില്‍ പുത്തനുണര്‍വ് അനുഭവപ്പെടും, പ്രണയത്തില്‍ പുരോഗതി, കലാരംഗത്ത് പുതിയ കൂടിച്ചേരലുകള്‍ ഉണ്ടാകും, ആത്മവിശ്വാസം കൂടും, സാമ്പത്തിക നേട്ടം പ്രതീക്ഷിക്കാം.
ഉതൃട്ടാതി: പ്രവര്‍ത്തികള്‍ വിജയത്തിലെത്തും, അകലെനിന്നും സഹായ സഹകരണങ്ങള്‍ ലഭിക്കും, പ്രയത്നം സഫലമാകും, നൂതന പദ്ധതികള്‍ ആസൂത്രണം ചെയ്യും, സമൂഹത്തിലെ ഉന്നത സ്ഥാനീയരുടെ ആശിര്‍വാദങ്ങള്‍ ലഭിക്കും.
രേവതി: എതിർ ലിംഗത്തിൽ പെട്ടവർ കാരണം സുഖവും സമാധാനവും, ആഗ്രഹസാഫല്യം, പുണ്യ സ്ഥലങ്ങള്‍ സന്ദര്‍ശിക്കും, പൊതു ജനങ്ങളുമായി നല്ല ബന്ധം സ്ഥാപിച്ചെടുക്കും, ലളിതകലകളില്‍ താല്‍പര്യം പ്രകടിപ്പിക്കും.