രാഷ്ട്രപതിക്ക് പതിനെട്ടാം പടിയിൽ സ്വീകരണം

പത്തനംതിട്ട: ഇന്നു രാവിലെ 10.20ന് ഹെലിക്കോപ്ടറിൽ നിലയ്ക്കൽ എത്തുന്ന രാഷ്ട്രപതി മുർമുവിനെ ദേവസ്വം മന്ത്രി വി.എൻ. വാസവന്റെ നേതൃത്വത്തിൽ പമ്പയിലേക്ക് ആനയിക്കും. 10.50ന് പമ്പയിലെത്തും. ത്രിവേണിയിൽ കാൽകഴുകി ശുദ്ധിവരുത്തും. ഇതിനായി ത്രിവേണി പാലത്തിന്​ സമീപം ജലസേചന വകുപ്പ്​ പ്രത്യേക സൗകര്യം ഒരുക്കി. ഇവി​ടെനിന്ന്​ പമ്പ ഗണപതി ക്ഷേത്രത്തിലെത്തി ഇരുമുടിക്കെട്ട് നിറയ്ക്കും. 11.10ന് ഗൂർഖ എമർജൻസി വാഹനത്തിൽ സന്നിധാനത്തേക്ക്​ പുറപ്പെടും. അഞ്ച്​ വാഹനങ്ങളിലായി 20 അംഗ സംഘം അനുഗമിക്കും. 11.50ന്​ സന്നിധാനത്ത് എത്തും. പതിനെട്ടാം പടിക്കുമുന്നിൽ മന്ത്രി വി.എൻ.വാസവനും ദേവസ്വം ബോർഡ് ഭാരവാഹികളും ചേർന്ന് പൂർണകുംഭം നൽകി രാഷ്ട്രപതിയെ ഔദ്യോഗികമായി സ്വീകരിക്കും. തുടർന്ന്​ പതിനെട്ടാംപടി കയറും. 12.10ന് അയ്യപ്പദർശനം. ഉച്ചപൂജയും തൊഴുതശേഷം ദേവസ്വം ഗസ്റ്റ്​ ഹൗസിൽ വിശ്രമിക്കും. ​ മൂന്നിന്​ നിലയ്ക്കലേക്ക്​ മടങ്ങും. 4.20ന്​ ഹെലികോപ്ടറിൽ തിരുവനന്തപുരത്തേക്ക്. രാഷ്​ട്രപതിക്കൊപ്പം ​ഗവ​ർ​ണ​ർ രാ​ജേ​ന്ദ്ര ആ​ർ​ലേ​ക്ക​ർ, ഭാ​ര്യ എന്നിവരും ശബരിമല യാത്ര നിശ്​ചയിച്ചിരുന്നെങ്കിലും സുരക്ഷ കണക്കിലെടുത്ത് ഒഴിവാക്കി.​