ബാലാവകാശ സെമിനാർ

വൈക്കം : വൈക്കം, ചേർത്തല മേഖലകളിലെ നിർദ്ധന കുടുംബങ്ങളിൽ നിന്നുള്ള പഠനത്തിൽ സമർത്ഥരായ വിദ്യാർത്ഥികൾക്കായി എറണാകുളം അങ്കമാലി അതിരൂപതാ സാമൂഹ്യപ്രവർത്തന വിഭാഗമായ സഹൃദയ നടപ്പാക്കി വരുന്ന വിദ്യാദർശൻ പദ്ധതിയുടെ ആഭിമുഖ്യത്തിൽ ബോധവത്കരണ സെമിനാർ സംഘടിപ്പിച്ചു. റേ ഒഫ് ഹോപ്പ് ചിൽഡ്രൻസ് ഫൗണ്ടേഷൻ ഫൗണ്ടർ ചെയർമാൻ ഫാ. തോമസ് മുട്ടം ഉദ്ഘാടനം ചെയ്തു. സഹൃദയ ഡയറക്ടർ ഫാ.ജോസ് കൊളുത്തു വെള്ളിലിൻ അദ്ധ്യക്ഷത വഹിച്ചു. സൂസന്ന, ബെ​റ്റിന,സ്റ്റെഫി, ഫ്രാങ്ക് എന്നിവർ കുട്ടികളുമായി സംവദിച്ചു. ഫാ.സിബിൻ മനയംപിള്ളി സെമിനാർ നയിച്ചു.